يالمملكه حنا وابو متعب بخير اهداء من الشاعر محمد ال عزبين

[ابوذياب]

هذه القصيده في ملك الانسانيه وتلاحمنا مع الملك والوطن

يالمملكه حنا وابو متعب بخير=مافيه خوف لش ولا للجزيره
تدرين حنا لش دروع وطوابير=والسيف الاملح نمشعه من جفيره
ماحن نساوم فيش عذال ومشير=وماحن نطاوع من يشب السعيره
هاذا ولآنا من سنين مدابير=للحاكم اللي عم شعبه بخيره
اموحد الدوله على المنهج تسير=ومن العماء شافت وقدهي بصيره
تدلعي ونسي همومش من الغير=مادام يقطن بش ولا فيه غيره
يوم استوا مع ماكلين الخنازير=هاك الوجيه الهابيات الحقيره
لا تنقلين هموم خبلً معيثير=وخياله العوجاء تقود المغيره
ال سعود اهل السيوف البواتير=فعلن لمعزي بالرهاف الشطيره
الماكر اللي من خيار المواكير=جاب الحرار الصاطيات الشهيره
هيبه وعلم وحلم وتحل وتدير=والدين فيها والسياسه غزيره
منهم ملكنا جعلها له مسافير=اب العرب راع الفعول الكبيره
هذا بومتعب راسيً كنه النير=ماحرك حيوده هواء المستثيره
عاش المليك اللي براسه صعاطير=وحنا معاه اليا بغاها مسيره
اللي يدور شر نعطيه تقرير=درسً يحفظه لا نهاية مصيره
ولمدورين الخير مافيه تقصير=مدّات ابو متعب عليهم كثيره
والجار له عنده معزه وتقدير=من عادته يفزع ويمّن جويره
ونحمد كريم رجعه عقب تأخير=شعبه فرح من يوم جانا بشيره
في عودته شعبه يسوق التباشير=ينطق لسانه ماحصل في ضميره
الله يحفظه من صدوف المقادير=ياحاكمً والشعب ماله بغيره

وتقبلو فايق التقدير محمد ال عزبين