السفر

[غالي الاثمان]

استأذنك) بسافر ايام واجيك
وان طالت ايام السفر لاتحاتي
حتى ولو طولت ماني مخليك
ياللي بدونك ويش تسوا حياتي
تامر علي حاجه ؟باودعك واليك
عسي عوض الايام في المقبلاتي
حتى يدي ماودها تفارق يديك
ساكت وانا اشوف البلا في سكاتي
ماشفتني لارحت منك التفت فيك
بلاي والله روحتي والتفاتي
لكن قبل ماروح ودي اوصيك
وانت الوحيد الي يقدر وصاتي
لحد"سألك وقال لك وين مغليك
قله لوازم لاقضاها بيآتي
وان طرو النسيان مانيب ناسيك
ياراس مالي في الحياه وغناتي
وان طرو السلوان مانيب ساليك
طيفك معي حتى وانا في صلاتي
قلبي وهو قلبي اذا مر طاريك
لولا ضلوعي كان عزوا مماتي
لو جض صدري كان يمديه يأتيك
ويبات عندك ويهنا بالمباتي
انا وقلبي والغلا ساكن" فيك
وانته وقلبك والغلا وسط ذاتي
غلاك مثل الحكم عند المماليك
اكبر طموحي( لا ) كل امنياتي
شف في غيابي اي حاجه تسليك
لاني بعدك اسلآ مع ذكرياتي
احاول اذكر اي شي يطريك
واقول هو سوء وانا ذي سواتي
كني موادع كل شي حواليك
كني حسبت احساب حزت وفاتي
احب لاني مااقدر انساك وابيك
ولا اقدر اخليك ياالي تحاتي
معنى احب ولااقدر انسى واخليك
يعني بدونك ويش تسوا حياتي

الشاعر / حمدان المري

[غمــــــام]

لكن قبل ماروح ودي اوصيك
وانت الوحيد الي يقدر وصاتي
لحد"سألك وقال لك وين مغليك
قله لوازم لاقضاها بيآتي

صح لسانه صح لسانه ...


وتسلم اخوي غالي على الابيات الاخ حمدان المشهوره له ..

وتقبل مروري المتواضع ..

[مسفر مبارك]

صح لسانه وتسلم يمينك يـ غالــي ....!

[قضى ليل الهوى طلابه]

شف في غيابي اي حاجه تسليك
لاني بعدك اسلآ مع ذكرياتي
احاول اذكر اي شي يطريك
واقول هو سوء وانا ذي سواتي


غالي الاثمان


ابدعت فيما نقلت


لاهنت وصح لسان الشاعر حمدان المري


تقبل مروري المتواضع

[ناثرة الورد]

معنى احب ولااقدر انسى واخليك
يعني بدونك ويش تسوا حياتي

لاهنت صح لســـان قايلها وتسلم ايديك علي هالنقل الرائع ....
تقبل ::
مــــــــــــــــــروري ....