محاورة بين الشاعر ابن قضعان والقرقاح

[فهد بن محسن]

هذه المحاورة الشعرية .. جرت بين الشاعرين الكبيرين

الشاعر \ ضيدان ابن منصور ابن قضعان

والشاعر \ فلاح ابن محمد القرقاح



فلاح القرقاح

ياسلام الله سلام ماهو بيدور بوش = في حلال اطوال الايمان والمخرج ملي
ان نزلت انزل ياضيدان مثل اغلى الطروش = وان رحلت ارحل ياضيدان والمخرج ملي

ضيدان بن قضعان

مرحبا تريحيبة من سمعها قال خوش = قدح من راس ابن قضعان والمخرج ملي
ان قعدنا كل خيرٍ تحت الارض مخشوش =وان مشينا دار عجمان والمخرج ملي

فلاح القرقاح

الكحل مايضفي الا على عكش الرموش =لاتضيع حقوق الانسان والمخرج ملي
اركضو ياناس ركض الضواري والوحوش = واذكرو نكبة حزيران والمخرج ملي

ضيدان ابن قضعان

ودها من حيث ماتشتهي وام الرقوش = ملكنا ياطير حوران والمخرج ملي
يالعبيدي كان قلبك من الشعر مخروش = اعتبرها كان ما كان والمخرج ملي

فلاح القرقاح

لو نشدنا من هو اللي بيقوى جورج بوش = يمكن تقولون راكان والمخرج ملي
لاتقول ان العبيدي يناش ولا ينوش = العبيدي سيف وحصان والمخرج ملي

ضيدان ابن قضعان

ياعيوني والكواسر على المسرى حدوش = ركزي في روس ......... والمخرج ملي
ابن قضعان يتعامل مع بوش البشوش = ماتعامل مع بني خان والمخرج ملي

فلاح القرقاح

ارفقي بي ياهجوسي وضيدان مغشوش = وذكريني سد نجران والمخرج ملي

ضيدان ابن قضعان

راعي المضه وتثليث فالساحل يهوش = يحسبنه حول جيزان والمخرج ملي

انتهت المحاوره


ونعدكم بالجديد ان شا الله

تحياتي لكم

[ابومحمد الشامري]

لا هنت يا بو محسن وبيض الله وجهك على هذه المحاورة الرائعة بين شاعرين كبيرين لهما مكانة في الساحة الشعرية.

ننتظر ابداعك القادم يابو محسن.

[سعود الخويطري]

بيض الله وجهك

والشاهد الله اني كنت أبحث عنها كاملة


خصوصا ان ضيدان بن قضعان شاعر علم في نظمة ومحاورته لكن مبتعد لصوتة ولحبة الاكثر لـ النظم


وتقبل سلامي واشواقي

الخويطري

[عبدالله الوعيلي]

لا هنت يا فهد ابن محسن

تحيه لك

وتحيه خاصه جدا لشاعرنا ابو منصــــــــــــــــــــــــور

[فهد بن محسن]

الاخ الكريم \ ابو حمد الشامري

لاهنت على المرور والتعليق ,, وتشكر على المتابعه ,, وابشر بكل خير ان شا الله

تحياتي لك

اخوك \ فهد بن محسن

[المشتاق]

الاخ \ فهد بن محسن

بيض الله وجهك .. وماقصرت يالغالي ... محاوره من الطراز الاول .. كيف لا وهي بين ابن قضعان والقرقاح

تشكر يابو محسن

تحياتي لك

[فهد بن محسن]

الاخ الكريم \ الخويطري

ومن قال مايهون يالغالي ... وتشكر على حرصك على متابعة اخبار واشعار الشاعر ضيدان بن قضعان .. والشاعر ضيدان باذن الله بيكون ضيف علينا في هذا المنتدى الشامخ عن قريب

لاهنت يالخويطري .. زتقبل تحياتي

اخوك \ فهد

[فهد بن محسن]

الاخ الكريم \ الخويطري

ومن قال مايهون يالغالي ... وتشكر على حرصك على متابعة اخبار واشعار الشاعر ضيدان بن قضعان .. والشاعر ضيدان باذن الله بيكون ضيف علينا في هذا المنتدى الشامخ عن قريب

لاهنت يالخويطري .. وتقبل تحياتي

اخوك \ فهد

[بندر العجمي]

الله لايشينك يا بو محسن


وبيض الله وجهك على هذه المحاورة الجزله بين شاعرين كبيرين



اخووووووووووكـ

[سعيّد ابوجعشه]

لا هنت يا بو محسن وبيض الله وجهك على هذه المحاورة الرائعة بين شاعرين كبيرين لهما مكانة في الساحة الشعرية.

ننتظر ابداعك القادم يابو محسن.