مساجله شعريه .......

[هشام]

نويت مرباع الغضي سيد الأحباب..............قصدي يزول الجرح زاد إلتهابه
جيت وباقي نارهم بين الأطناب ................وبيت الشعر مطوي وباقي زهابه

[ديمه]

صباحكم رضا

بما انها هاء

فاللطش مسموح

هانت ولو الوقت دايم له احكام
بعد التعب يا اخوك نلقى فرجها
يرجع ورى واقول يا وقت قدام
دنيا عسى الله يكافينا حرجهـا

لطشت من مكان قريبون

[غانم آل صالح]

صباحكم نور وسرور

اليوم ذكرى الفراق ومرت أول سنه
...............اليوم لي عام متغرب وحيد وحزين
اليوم انا ضيف جرحي جيت بطمنه
.............اني جمعت الدموع وجبت امانة امين
ما يجرح الصادق الا غدر من يامنه
............لا جت من احباب قلبك لا تلوم السنين
مليت من هالاماني دام هي مو ممكنه

[يوران]

هيه ياللـي ماخـذ الدعـوى تحـدي=عن فيافي نجد كـم تبعـد أريحـه ؟
ان حسبت الجـاه والله منـت قـدي=اسمنـا للعـز ريحانـه.. وشيـحـه
ذاك ابوي اللي على النجـم متعـدي=وجدي اللي هايبينـه فـي ضريحـه
وان بغيت تكيل .. صاعينـك بمـدّي=وان وزنت الشعر .. ياكبر الفضيحـه

[ديمه]

[العرجاني محمد]

ألهي والعمر محدود ووقت العبد له لو زان=مصير أيامه البيضاء سواد الليل يغطيها
ألهي والذنوب إللي علي يرجح بها الميزان=ألهي وش أسوي والعيون أدني ما يغويها
ألهي عبدك ومخطي ويخشى غبة النيران=ويرجي جنة الفردوس ولو ما أدرك حراويها

[ديمه]

[ديمه]

كيبوردية باغتتني عجله ...نظمتها الى من يهمه الامر .......فقط

[غانم آل صالح]

يالله عـسـى قلـبـك يـجـي فـــي مـســاري
اختـرت احبـك واعشـقـك طــول الاوقــات ..
ولاهــو بكيـفـي احـبــك فـــي خـيــاري
اهـواك لـو عمـري مـعـك بــس لحـظـات ..
واشــوف حـبـك مــن يـمـيـن ويـســاري
لاصـــارت الـدنـيـا بـدايــة نـهـايــات ..

[أميرة نجد]

تسولف هالبشر حولي و انا معْهُم و لا يـدرون
نعم معهم .. و لكنّي .. جسد خاوي بليَّـا روح


على ضحكاتهم أضحك و أبكي لو بعـد يبكـون
أجاريهم .. أظن إني أبخفي شرودي المفضـوح


ينبِّهني صدى إسمي و عيني لَ إلتقـت بعيـون
عيوني لو تناظرهـا كتـابٍ للعشـق مفتـوح


أموت إليا طرى طيفك و لا صاح الوله بجنـون
تموت بثغري احروفٍ تبعثر في مَداهـا البـوح


شكى لي خاطري منّك و قلبيْ إللي غدا مفتـون
لأن حبك قَلَبْ حالي و لكن .. يالغـلا مسمـوح


لجل عينك رضيت إنه يكون إللي أبـد مَ يكـون
لعينك ترخص الدنيا مثل ما ترخص إلها الـروح


أحبك .. ما أبي أعرف أحبك ليه ؟ انا و شلون ؟
أبي تنساني في قلبك .. أعيش بجنته .. و تروح