بن سعـــــــــيدان..حبيــــــــــــــــــــب..بختصااا ار

["بدر العجمي"]

محاورة الشاعر الكبير بن سعيدان وعملاق المحاوره حبيب

الذى اعتبره تعامل بعقلية المحترفين
وقد اعجبتنى المحاوره لما احتوت عليه من معنى واداره وحكمه
نسقتها واعتبرها اهداء

ياحمود جيتك جهّز الجيـم والسيـن=والكل منا بالقـدم يحسـب خطـاه
الكلمه الي حطّت الصـف صفيـن=ياكبراها مـن يـام بالـذات كبـراه
يامرحبـا بـك يازعيـم القحاطيـن=مثلـك بعـد هاذيـك نبغـاه نبغـاه
القـول قـول خبـول ولامجانيـن=فـي ذمتـي يامسنـدي مارضينـاه
ياحبيب المديون يشرد مـن الدّيـن=والـدار وديبـه ولا ودي انـصـاه
حتى النصارى واليهـود الملاعيـن=ماسووا الي طيـب السـاس سـوّاه
انكانهـم شافـوك بعـض الدياييـن=عزي لحالك يابيض الوجـه عـزاه
هذا ترى فعل الضعوف المساكيـن=فعل الذي كـل المراجـل تخطـراه
إن شفت وجهي لك ثلاثـة ملاييـن=حتى يعوّد كـل وادي لمجـراه
لاوالله الا عندكم مذهـب(ن) شيـن=والي تغداله بشـي(ن) تعشّـاه
ايجيبك الله يـوم واحـد وعشريـن=وبقول وين اللي من النـاس يبغـاه
لو انهـم بالعلـم ياخـوك داريـن=كلن خـذا بيديـه سيفـه وشلفـاه
كنسلتها كنسلتهـا يااحمـر العيـن=مـادام عنـوه والنتيجـه معـانـاه
حتى صفوفي قبل نصلـح بعيديـن=ماني بخبل(ن) يحتمل داه فـي رداه
ان جيتنا ولا علـى الـدار غازيـن=احصاننا الاول خويـه تقفـاه
الصبر غلق يابن الاكـرام ذلحيـن=امـا عطونـا الحـق ولا خذينـاه
ما منـك فكّـه يازعيـم الشياطيـن=ومالك عذر من شي بالعيـن شفنـاه
الـي تبونـه يامحلـف مستعديـن=ارخصت روحي دون ربع(ن) مسماه
اطرد ورى حقٍ غدا قدلـه اسنيـن=واللـي يـدور شـي لابـد يلقـاه
انتـم محالفنـا وقـومٍ عزيـزيـن=هذي الحقايـق والعلـوم المصفـاه

[بن سعيدان]

اخي عابر سبيل اشكرك اشد الشكر ولكن يوجد اخطاء في االشطر الثاني من بيوتي وبيوت حبيب ارجوا تعديلها وهي تكرار بعض من الشطر الثاني وليست كل الابيات بل بعضها واكرر شكري وتقديري

[بن سعيدان]

الاخطاء:-
بن سعيدان:-
1-ان شفت وجهي لك ثلاثة ملايين=حتى يعود كل وادي لمجراه
2-لا والله الا عندكم مذهب(ن) شين=والي تغداله بشي(ن) تعشاه
3-الي تبونه يامحلف مستعدين=ارخصت روحي دون ربع(ن) مسماه
حبيب:-
1-ان جيتنا والا على الدار غازين=احصاننا الاول خويه تقفاه

[حبيب]

ارررررررررررررحب ياعابر الله لايهينك

على اختصار المحاوره والله لايهينك على المتابعه

ونتشرف بمتابعتة شاعر مثلك,,,


اما بالنسبه لبعض الاخطا عدتلها

وبن سعيدان من الشعراء اللي يسعدنا وجودهم

تحياتي

[فهد بن محسن]

تسلم ياعابر سبيل ,, وبيض الله وجهك


تحياتي لك

وصح الله لسان ابن سعيدان وحبيب

[أبو ناصر]

صح الله الستنكم

محاوره رائعه من شعار كبار

سلمتوا

[حبيب]

فهد

ابو ناصر


لاهنتم على المتابعه والاطراء بيض الله وجيهكم

تحياتي

[بن سعيدان]

الله لايهينكم
فهد
ابوناصر
يعطيكم العافيه