مساك الله بالخير جميعا................
اهدي هذه المشاركه لجميع اعضاء ومشرفين الموقع وزواره وخصوصا لجابر البطان
والسالفه دخلت احد المستوصفات لموعد لي عند دكتورسنون وصدفه واجهت عند الدكتور نفسه
ثنتين سبحان اللي خلقهم فخالفوني وراحوا وقلت ذا البويتات:
ياويل حالي لحـــظة شـــفت بنـــتين**عند الــــطبيـب يعالجـــون الســنونـي
ياسين ياسنش ولبيــــــه يالعــــــــين**يالــــــيتني كنت الطبــيـــب وتجونـي
علي الحرام اني من العين للـــعـــين** بغيـــت اوقـــع في مكـــــاني ودونـي
ما كــنت افـــكر فيه ناس بذالــــزين** سبحان من صـور عليـش العيـــــوني
يالـــيتني ماجيــــت يابنت تكفيــــــن** كان اسـترحت من البـكا والـــحزوني
الله يسامح من سمـــح لش تروحـــين** بدون غطــوه والشـــــعـر للمتـوني
روحي بدربش واذبحي دون سكـــين**من شاف عينش وين عـاد الحقوني
رحتي على فالش وانا رحت بالـــدين** دين جعل في القلب مثل الطعـونـــي
حديتي اللي مايحـــب الخبـــــــالـــين** اللي تفـلـصع يعني اني شـــفـــــوني
ماتدري انـــها عند زيـــنش حذاييـــن** انتي الحلا والزين وانتي الـفتــوني
وان قست زينش في المزايين ذالحين**والله العظيم ان كلهم في الـزغـونـي
صدفـــه وجابتش القـــدم ليـــن شفتين** لاعــــاد الله جــــيتي للســــنــــوني
بكــره تجــــين ام وعنــدش بزاريـــن** في ذمه اللي داعي لـــه حـــــنـوني
الله يســـــمح لـش دروبش وتحييــــن** في عولمة دنيا تشيب الجفـــــوني
الأســـــــــــــــــــــــــــــير
16-07-2005, 07:22 PM
العرض العادي
