قلبي خويي مـا لقلـبي معـازيب !!!

[عايض الوقدان]

.....!!! برد المكاتيب!!!.....

هبت جنوب وطاح برد المكاتيب = و يا كثر ما هب الجنوب وذكرته
يملا حضوره من حضوري وانا اغيب =وياما غيابي في غيابه حضرته
أنا جا مطر صارت له اضلوعي اشعيب =و إن راح ريح(ن) طير اللي بذرته
طال السكوت ومال صمتي مطاليب =غير الكلام اللي وقف وانتظرته
جنبت لو مالي عن الدمع تجنيب =من وين ما صديت فيني شعرته
واصمتي اللي صار فعيونهم عيب=واجرحي اللي لو فضحني سترته
لي صاحب(ن) يملا كفوفه تراحيب =لولا الحيا من ضحكته ما اعتبرته
يا صاحبي ماهي عليا مقاضيب =عذروبي انك ذخري اللي ذخرته
عذروبك انك شوهتك الاكاذيب=عذروبك انك جاك طيب ونكرته
ان جيتني بفراق زود العذاريب =لاجيك انا من زود صبر صبرتــه
للطير جنحان وريش ومخاليب=لكن يضيع صيدته في غبرته
ومن جزم نفسي يوم صار الردى طيب =حلمي قبل لا يكسرونه كسرته
ومن راح مني قـلت يا عله مصيب =دورت له عذر(ن) كريم وعذرته
للي يبي بعدي انا ماني قريب=اما ربحني ولا انا مـاخسـرتـه
قلبي خويي مالقلبي معازيب=واللي حقرني من رداه احتقرته
رغم الجروح اللي بقلبي معاطيب = حبيت كفين الزمــان وشكــرته

الشاعر: سعدالحريص المطيري

[ناصر البرغش]

حجزززز

يا مبدع


طال السكوت ومال صمتي مطاليب
..................غير الكلام اللي وقف وانتظرته

هذا عربون الحجز


انتظر عودتي

[عـسـاه خـيـر]

عايض تسلم يمينك على النقل وصح السان شاعرها

[الفرس]

يملا حضوره من حضوري وانا اغيب
..................وياما غيابي في غيابه حضرته

انا جا مطر صارت له اضلوعي اشعيب
..................وان راح ريح(ن) طير اللي بذرته





صح لسان الشاعر سعد المطيري وسلمت يمينك اخوي عايض .


وتقبل مروري بازكى تحيه

[عايض الوقدان]

ناصر البرغش ,,

لاهنت على المرور طال عمرك ويشرفني ..

[عايض الوقدان]

عساه خير ...

الله يعطيك العافيه ولاهنت على المرور ,,

[عايض الوقدان]

الفـــرس ,,

لا هنتي على المرور والله يعطيش العافيه ,,

[مسعطر]

عايض العجمي.. صح لسااااااان الحريص و صح لسااااااااااااانك مليووون
على الإختيار الجميل .. و الرائع .. تقبل مروري..

[عايض الوقدان]

مسعطر ,,

صح بدنك ولاهنت على المرور ...

[مسفر مبارك]

--------------------------------------------------------------------------------

عايض العجمي.. صح لسااااااان الحريص و صح لسااااااااااااانك مليووون
على الإختيار الجميل .. و الرائع .. تقبل مروري..