ابن الذيب ( ياميةٍ ما تنزل الا بالاركان= لاقل در المال والسعر غالي )

[ابومحمد الشامري]

هذه القصيدة قالها الشاعر المعروف راشد بن حسن بن الذيب العجمي رحمه الله في الامير راكان بن ضيدان امير قبيلة العجمان رحمه الله.

لاجيت ابي ارقد طير النوم شيطان= ابليس عذبني عزر بحالي
فيما يقولون المخاليق وجعان= من مقعد الحقران واعز تالي
لجت هواجيس الضماير بلالحان=اوجستها بالصدر قد لي ليالي
من جورها دمعي على الخد نثران=والكبد يا عايض على جور صالي
والقلب من عقب المحبين ولهان=ولا واهني اللي من الحب سالي
حطيت لي في عالي الرجم ميدان= شرفت في المرقب وحيدٍ لحالي
اروح للمرقب وحيدٍ على شان=كلٍ على فاله وانا امشي بفالي
قالوا تحدث قلت ماني بطربان= حديثهم ما جا على كيف بالي
العي كما يلعي من الجوع سرحان= لاعدته سحم الضواري ليالي
امشي بقو العزم والقلب مشتان=وانخا على بن رميح حامي التوالي
وانخا طيب الراس واخص ديقان= زبن الحدور وشوق زين الدلالي
زبن الحدور اللي جذت طير حوران= وسعد بن عمه لا حذته الليالي
انشهد من رابع اللاش خسران= وعزي لمن يخطي قروم العيالي
من رافق الطيب رقا راس ما بان= يصبح من قاع الوطيه بعالي
البارحة كني من النوم زعلان= ذكر على برق سراله اشعالي
عساه من قرية الى جو ساقان= ويضفي جنوب لين ياتي الرمالي
ومنه يسيل الريش والحقو مليان= وعلى جوياة الهمل له اخيالي
يصبح دكاك مرغية منه رويان= وام العشاش وجوها من شمالي
ياخذ شهر ماوقف الوبل ودان= يسقي بلد الاجواد عقب المحالي
من جور سيله يصبح القشع نطلان= والخد عقبه تكتسي بالعدالي
عقب اربعين يلقا فيه فقعان= على اوله يملون منه المخالي
وتحمد اللي فيه من قبل جوعان= من فضل رب البيت محصي الرمالي
ويسقي السنام وينثني صوب ندقان= مدهال طرعات البكار الغوالي
بلاد الرخا وبلاد ذربين الايمان= اللي الهم عند القبايل مجالي
ومن ضواهم هاشل الليل بردان= حطوله الميسور قبل السؤالي
وقام السنافي للمناره بنصحان= والشق لاخر فيه مثل الغزالي
تتنى الامر من واحدٍ يذبح الضان= وابوه قبله متعبه بالخوالي
وايضا اليا جاهم مع العسر ضيفان= حطوا لهم يا حسين ما كان غالي
يلقون وسط البيت بن ورسلان= والنجر ما يفخت عقاب الدلالي
ياميةٍ ما تنزل الا بالاركان= لاقل در المال والسعر غالي
ياميةٍ سم المعادي بالاكوان= ينصاهم اللي من دنياه جالي
ياميةٍ لاركبوا الخيل ظفران= حريبهم كنه على حر صالي
اقولها والعلم يرجع لراكان= لاجات مثل مخزمات الجمالي
العلم كله ينثني لابن ضيدان=شيخ يحلل محكمات الحبالي
رفيقه القالط على فلان وفلان= عليه ما يرفع جميع الرجالي
للغشمري عنده محل وميزان= واللاش ماله في محله مجالي
مادام منهم زول ما فيه شيخان= الشيخ منهم لو صغير يشالي
هذا وصلى الله على نسل عدنان= عداد ما هب الهوا من شمالي

[ابن وعيل]

صح لسانك يابوحمد ولسان ابن الذيب .. ولاهنت على النقل الطيب

[ابومحمد الشامري]

مرحبا الف يا ابو عبدالله اسعدني مرورك يا السنافي وتشرفت به

[محمد الشامري]

صح لسانك يابوحمد وسلمت يمنااااك على النقل

والله يرحم شاعرها والله يرحم الشيخ راكان برحمته ويسكنهم جناته

لاهنت يابوحمد

[سعود الخويطري]

لاهنت يابوحمد


وتسلم يمناك على القصيد الجزل


ووالله يرحم ابن الذيب ويرحم الامير النادر اللي كلن رثاة وبكاة


وتقبل سلامي

الخويطري

[عبدالله الوعيلي]

صح السانك يا ابو حمد

والله يرحم ابن الذيب

[راكان اليامي]

الله الله لاهنت يابو حمد على ذالقصيده الطيبه وتسلم ولا تندم والله يرحم شيبانا

[أبو محمد]

لاهنت يا ابوحمد ورحم الله ابن الذيب

[حبيب]

ابووحمد لاهنت على نقل هذه القصيده

والله يرحم ابن الذيب كاان من شعااار يام المعروووفين وكانت قصايده تتختلف عن قصاايد غيره

وياليت اللي يعرف له شي من القصاايد مايبخل علينا بهاا

ولاهنت يا بوووحمد

[ابومحمد الشامري]

مرحبا الف بكل من الاخوان :

( محمد الشامري ، تايه الغربه ، راكان اليامي ، ابو محمد ، سعود الخويطري ، حبيب )

لا هنتم على المرور الكريم والتعقيب الطيب