سلام الله عدد من حج مكه وأعتمر وأطاف=لكم يا عاهل الأردن من التوحيد والمله
شبيه الحر الأشقر منزلك في قمة المشراف=مدربك الحسين بن طلال وعشت في ظله
توليت الحكم بعده علي الأردن بدون أخلاف=عسي الله يرحم الميت ويسلم راس عبدالله
ملك الأردن شريف ومن قريش وسادة الأشراف=ملك وبن ملك وبن ملك وبن رسول الله
حكمت المملكه يا الهاشمي حكمك عدل وأنصاف=وعينك ما تذوق النوم دام القدس محتله
وجيشك يا سديد الراي ما به واحدن خواف=بواسل من بواسل ما بهم عيبن ولا خله
وتري حنا ضمن جيشك قبايل والسيوف أرهاف=ولا غير الله المعبود يبري كايد العله
علي شانك يا عبدالله علي شانك نظمت القاف=لك التقدير منا والفخر لك والثناء كله
جواهر في بحر موجه خطير ويغرق الغراف=وترسي به سفينة نوح بأمر الله علي الحله
قصيدة واضحه للناس مثل الراس والأكتاف=ولا بحروفها خله ومبعدها عن الزله
فرايد نوعها ما عرض وسط السوق للصراف=وقد قيل الجمل يبرك لصعب الحمل ويشله
وأنا من فضل رب البيت منزل سورة الأعراف=بخير ومن حلالي باني(ن)في ديرتي فله
لكني جيت أسلم وأشكرك يا طيب الميقاف=يقولون العرب يا زين ذكر الطيب في حله
جميع الباديه تثني عليك وساكن الأرياف=من أقوالك من أفعالك عقول أعداك منشله
وأنا من لابة(ن)وقت الحرايب للعدا تنشاف=هل البارود وأهل الخيل يام السيف والدله
زيارة جيت في دارك وشعبك حاتم المضياف=تقاليد العرب والرجل من سلمه ومن دله
سياحه في ربوع المملكه في حزة المصياف=ويا زائر بلد عمان قل لليعربي قله
صحيح العرف يا هل العرف ما يعرض علي العراف=ومن سهل ظروف الناس جعل الله يسهله
وصلي الله علي محمد شفيع الخلق في الميقاف=نهار الحشر والأمه تبي عفو الله وظله
22-07-2005, 11:16 PM
العرض العادي
