[حلم .. منثور
قم صبّني في العين لك حلم منثور
خل العيون البور تمطر سحابه
ليل الشقاء قم بدله حب وسرور
أخفض جناح الحب .. زدني مهابه
ياصاحبي والحرف مبهم ومكسور
ماباقي إلاّ نزف بعض الكتابه
نام الطريق وتاه بعيوني النور
أصبحت أنا والليل حيل أنتشابه
ياصاحبي والعمر لا شك مهدور
فارس رمى سيفه وكسّر حرابه
جيتك وبعيوني أسى طفل مقهور
حلمه وطن يحويه عقب أغترابه
إلى متى والقلب هايم ... ومهجور
لا صرت أنا ويّاك .. صيف وسحابه
بدر الحزين .. مانع صالح جلاب