شاعر ما يحب الا السمان من المعاني !!

[بيطار]

سلام تسليم سلم وسلـّـم الله مجلس الطيب
من شاعر ما يحب الا السمان من المعاني


لو اني مانيب ظيف ولاني بحاجة تراحيب
عجمي وفي مجلس العجمان واعده مكاني

[سعيد]

يامرحبا ردتن ترقى على رووس المراقيب
رديتن فوق راس الضلع ماهي فالطماني


انته ولد عم مايدخلك لا شكن ولا ريب
قرب وهات العلوم وليلنا جا من عماني

[شاعر القيفان]

الله الله

صح السانكم وحنا متابعين

[بيطار]

دام البقا وان قنب ذيب الخلا بيجاوبه ذيب
لد النظر فالجدي يا ذيب وسهيل اليماني


عشاك يا طير بالبندق ماهو عكف المخاليب
ماجبت لي صيد واعشيك من طول الزماني

[بيطار]

صح بدنك يا مدباج ولاهنت

[سعيد]

انته بعيرن يورد صوب صافية المشاريب
وانا عيوني سهيره ماتغمض لو ثواني

الله يجازيك يابيطار في فعلتك بالطيب
لو كان بعض الاوادم لا وجيه ولا لساني

[بيطار]

النجم لو غاب ما يبطي يبي يظهر لو يغيب
والمشكلة لا افطر الصايم قبل وقت الاذاني


يا عود ياللي لقيتك تصبغ ويرجع لك الشيب
وان قلت يا عود راسك شاب ظاق ولا يداني

[سعيد]

اصبر على طرقتك ياصاحبي مافيه تجنيب
يازين فعل الجماله فالجماعه والعواني


اللي صبغ عقب ماشيب ترى مافيه تطبيب
بفر قلبه ليا من شاف له عودن لياني

[هادي بن فهاد]

مرحبا بكم جميع

وصح الله السانكم

‏بيطار & ‏سعيد

متابعين لايوقف الطاروق

[بيطار]

في حق الاصحاب ما نهفي ولا حق الاجانيب
امشي بدرب السنع يا ذيب والساني حصاني


الخاسر الي مضى عمره ولا حصل مكاسيب
يسرح بها عشر مصرورة ويرجع في ثماني