:: هـــنـــا يــمــوت الــبـــوح ::

[فهيد الكفيف]

مجرد صحاري
وحالة جفاف

ميت كل شي
حتى

الظلال
صايبها انحراف

لا شجر
لا مطر
لا نهر يسري

ولا ضفاف

مساحة عدم


هذا اللي بقى

من شخصي

أنا

مساحة عدم
صايبها
جفاف

[فهيد الكفيف]

آخذ نفس

كل ما طحت
وكل ما صدري يضيقي

اخذ نفس


واكمل طريقي

بس خايف

من الدخان
ومن الانذال
ومن الدنيا

يتعاونون

وعلى طيحتي يتوافقون

واذا جيت
اخذ نفس

ما القى نفس

واصرخ


ودي بنفس

[فهيد الكفيف]

مــدي يــدكـ

المسي باقي
أطلال صدري..


شوفي الزوايا

كيف يسكنها الالم
اسمعي الجدران..
تحكي !!

عن حزنها اللي
ذوب العمر.. بدري

وبين بقايا الغرف
مري..

حسي

مقدار القهر
اللي مصاحبٍ...عمري

ناظري..

كيف الدم
في ذيك الشروخ
ماعاد يسري


مــدي يــدكــ

وللناس ..أقري
قولي لهم
أطلال يحضنها العدم
و
جدران يرويها العطش
و
زوايا يرسمها الالم
و
بقايا يجمعها الوهم

هذا كل اللي شافته عينك

بوسط صدري

[فهيد الكفيف]

[]كسرة خبز

ينتظرها
ذاك اللي جالس
على الرصيف

يرتدي
شبه الملابس

ويرتوي
بشرب المجاري

يسد
جوعه بالخيال


حاله كسيف

في عيونه
آلاف الاسئله

منها


ليه يادنيا كل ذا

البخل

وين حق الضيف
على المضيف

لكنه

عفيف

ما ينطق بكلمة

ترى حالي

ضعيف

وودي لو بكسرة خبز
لو كان طحينه

خفيف

...

مدري

اشفق على
صار شكله
مخيف

والا

اشفق على
الرصيف

لانه

شايل (ن)

همه

وهم اللي جالس(ن)

عالرصيف[/]

[فهيد الكفيف]

لا تتعب نفسك
وتدور بين الفصول

تلقاني انا
بين ايام الشتا
مستند على حيط الهموم

لا صيف
ولا خريف
ولا ربيع
يمرني

البس البرد
واتلحف الليل

كل
ما بغيت تشوفني
ما عليك
الا
تنتظر الشتا
او
على نفس الحيط تمرني

[فهيد الكفيف]

من طين
وعيدان الخشب
وقطعة حرير


قـــصـــر بناه
طفلٍ صـــغـــيـــر

أثاثه

شوية حصير


كنتي فيه
انتي الأميره
و
انا الامير

نعيش بسلام
وبمحبه ووئام

بعيد عن اللائام

تشرق علينا
ضحكات السنين

وتغلف ايامنا
الوان الحنين

وفي سجون الشوق

انتي اسيره
وانا أسير


لوحدنا نحيا
ومال للفراق

عندنا معنى


ما نعرف نخون
ولا يمكن عشرتنا

علينا تهون

:::

ليت هالاماني
تتحقق

ليت
احلامي و وخيالاتي
في يوم تصدق


نحب بضمير


وتكونين في ذاك القصر

انتي الاميره
وانا الامير

[فهيد الكفيف]

ماقلت لك بتعيش

يعني ايش اذا تركتك
يعني ايش اذا جرحتك

عديم احساس
ادري

مالي قلب
ادري

ترى على حبى
ماغصبتك

حالي من حال هالدنيا

يوم لقى
يوم فرقا

هذا انا غبت
وبعد شهور
شفتك

نفس البسمه
ونفس الجمال

ما قلت لك بتعيش
بعدي

يعني ايش اذا هجرتك

مجرد عاشق وتركتك

[فهيد الكفيف]

هونا وتهون

منت اول من يخون

ولا انت اخر

من على جرحي يمون

كثير امثالك بهالدنيا


يلعبون

ومن الهوى

ما يعرفون ...

الا الكذب

ويعشقون

والطيور على اشكالها

يتوالفون


هونا وتهون

بتلقى غيري

تلعب معاه
وتتنافسون

من اللي اكثر


يقدر يخون

[فهيد الكفيف]

ودي أصحى

وعن دنيا الخيال
اهاجر

وابتعد لابعد
مدى
عن عيونك
واسافر

وفي دنيتي
تكون غايب
منت
حاضر

ودي
ابعد
ودي
اهجر
ودي
مثل ما تبادرني
بالخيانه
والطعون
أبادر


ودي
أقسى
ودي
أنسى
ودي
أزرع في صدرك
عدة خناجر

ودي
أسبب لك
ألم

ودي
بأشيا كثيره
تعيشك بحيره
وهم

بس تصدق!!

من كثر ما أغليك
ماني قادر!!!

[فهيد الكفيف]

صرت أنسان
آيل للسقوط


أو بالأحرى


آيل للذبول...!