الشيخ ناصر بن عبد الله بن معضد بن خرصان والهم المشترك مع الشاعر سعد بن جدلان الأكلبي

[بعيد آلمدئ]

السلام عليكم ورحمة الله وبركاتة


هذي قصيدة اسندها الشيخ الشاعر ناصر بن عبدالله بن معضد بن خرصان العجمي وهو ابن الامير المعروف عبد الله بن معضد وحفيد معضد بن خرصان ( وديع الرحايل ) القائد الثالث في فتح الرياض مع الملك عبد العزيز - طيب الله ثراه - للشاعر الكبير سعد بن جدلان الأكلبي تحكي ما وصل إليه حال إعلامنا الشعبي أترككم مع ما دار بين العجمي و الأكلبي آملا ان تحوز على رضاكم :

>>>>>>>>>>>>شكوى<<<<<<<<<<<

ألا يا رسولي خذ و صاتي على عجل = و روح لإبن جدلان سعد وأعطه إياها
ألا يا سعد اقر الرساله على مهل = تمهل شوي شوي لا جيت تقراها
و لا من معناها و مضمونها اكتمل = بصدرك فهي في ذمتك و انت منصاها
و انا عارف انك من رجال و ابن رجل = و اعرف الرجال تطيب من طيب مجناها
و يا بو محمد شعرك أجزل من الجزل = تنقى السمينه و الضعيفه تعداها
أبشكي عليك صحافة كلها هزل = فسد ذوقها حتى افسدت ذوق قرّاها
تحارب عميقين العطا تقبل الضحل = مثل ما انت عارف شلة ضاع مبداها
من أسبابهم فالشعر يا الأكلبي خلل = أهم القواعد و المباديء تناساها
خذ أمثال مما يكتبونه هل الغزل = و لك الحكم فيها يا سعد عقب فحواها
حداهم يوافق عشقته تهتوي رجل = و من حبها حب اللي تحب لرضاها
وثاني يقول انه قعد عام يتصل = على جارته الين ردت ثم أغواها
ورابع يوصيها إذا حبها فشل = لغيره فترجع له وهو بيتلقاها
دعايات فحش ٍ تنكتب بأعرض الجمل = من قالها ما يستحي يوم سواها
أبنخاك نخوة واحد فاقدن لامل = ظهر له عضيد بلحظة ما تحراها
أبيك منك عصما تنخل المجتمع نخل = تحرك بها شعور الرجال و حماياها
حتى من يحس بخاطره غيره او زعل = على المجتمع يرسل لك أبيات حلياها
نبي نعيد شعار الصحافه إلى الفصل = و نبغى ندرسهم من الألف لا ياها
نبي نشرح الغيره على الدين و الاهل = و نبي نقول فيه حقوق للجار مرعاها
نبي نقول ميزة بنتنا الستر و الخجل = و هذا اللي يميز بنتنا عن حلاياها
و بعد نختبرهم من سقط يدخل العزل = نعزله و ندفن علته داخل ارداها

ماذا قال سعد بن جدلان في رده :

>>>>>>>>>>>>> فلسفه<<<<<<<<<<<<

هلا مرحبا حييت يا منطق العقل = قصايد قريحة خاطر بان معناها
أهداني قصيدة شاعر تزرع الأمل = و قدر الهديه في روابع من اهداها
وزاومني الهاجوس ملعون ابو لاهل = يقول البيوت العصم و ياك و ياها
لا عينت كلمة قلت يضرب بها المثل = لقينا وراها وحدة كنها اياها
فلا كل من قال ازهل اللي تبي زهل = و ما ضحى بهل تكفى ضحى غير تكفاها
ما تنجح مدارس فلسفة علم في جهل = العربان ما كلن قدر يكسب رضاها
وترى الناس كل له شراب و له أكل = و ما أحد ٍ يدخل في قوت الأنفس و لا ماها
يحاول قدر الإمكان يعني على الاقل = يدخل في مفاهيم العرب يكسب اصغاها

والسلام ختاام ..[/QUOTE]

[الزير سالم]

صح لسان ابن خرصان ولسان الاكلبي

ولا هنت على النقل الرائع

[مسعطر]

صح لسان الشيخ ,,, و لسان الشاعر الكبير ابن جدلان ,,,

و صح لسانك يا بعيد المدى ,, على نقل هالشوامخ


تقديري ,,