من جدّ وجَد ... ومن منطلق تبقى الكبار كبار ... !

[مناحي الصميل]

السلام عليكم ورحمة الله وبركاته


بسيطه من اجل التواصل معكم .

على غِرار الحكمه اللي تقول .. ( من جدّ وَجد ) !! = ومن منطلق تبقى ( الكبار كبار ) والأصلي فريد .. !
أبحث عن خويٍ يجمّلني ويبقا لي سند=واجحد تماثيل الرجال اللي يناسبها جحيد !
اهل الحكي واهل النميمه والمكر واهل الحسد = واهل الطعون الخافيه من خنجرن صنعه حديد !
الصاعد العالي ( نزل ) .. والنازل الواطي ( صعد ) !! = من بعد ما كنّا حرار اليوم أصبحنا عبيد !!!
بأشوم عن اهل الردى .. والنفس أعاهدها عهد ! =وشهو الذي بيضرّني لو عشت بالدنيا وحيد ؟؟
يالله عفوك يا كريم ويا معين ويا صمد=الإمّعه في ذا الزمن أصبح على غفله ... ( عقيد ) !
أشفق على اللي لا زهمته قال ( أبشرررر بالسعد ) ! = واليا نخيته يعتزي ويصير لك عون وعضيد
فيه الشكاله والمروّه مبطيٍ(ن) عاده ولد ! = كنّ المراجل وسط دمّه من وريد اليا وريد !
إي والله ان وقعه على صدري مثل وقع البرد=مطنوخ راسه بالمواقف راسيٍ(ن) رايه سديد !!
وعلى غِرار الحكمه اللي تقول ..( من جدّ وجد ) = اقولها والصوت عااالي يالردي فرقاااك عيد !!!!

وسوالم .

[ابونايف الوعيلي]

لاهنت يامناحي على القصيدة الجزلــه
ابونايف الوعيلي

[الغروب]

مناحي الصميل ... صح لسانك ... قصيد ة رائعة

[محمد المجول]

المشاركة الأصلية كتبت بواسطة (لولين)

مناحي الصميل ... صح لسانك ... قصيد ة رائعة

إي والله أبشر بالسعد وقفت جبل ماله أمد=يمناي يالكايد يمينك فالشدايد يالشديد.
مالك ومال أهل الردى والضيق وأشباه النكد=أنت الذي مثلك جبل والطيب له ساعي بريد.
خذني حزامك والفشق وأبشر إيلا صاح الرعد=والكايده حنا لها لو صار به بد وبديد.
ماهو صحيح اللي يقول النار يورثها رمد=إلا الذي طبعه ردي ربوّت التيس الشريد.
إي والله أبشر بالسعد كلمة رجل كنه بلد=خل الردي يبقى ردي والطيب لك ساعي بريد.

صح إلسانك يامناحي

قصيده دره ورائعه وإسمحلي على مدخلتي بهالأبيات عساها ترتقي لدرتك

تقبل تحياتي

أخوك

[الخليفه]

صح لسانك يأبوفهاد
قصيده بدون مجامله أعجبتني
وماهي غريبه عليك شاعر جزل

[فـارس]

صح الله لسانك

وبيض الله وجهك على ذا القصيده الجزله من جزل

وتقبل مروري

[مناحي الصميل]

المشاركة الأصلية كتبت بواسطة ابونايف الوعيلي

لاهنت يامناحي على القصيدة الجزلــه
ابونايف الوعيلي

ابو نايف الوعيلي

ولا انت طال عمرك

شاكر لك مرورك

[مناحي الصميل]

المشاركة الأصلية كتبت بواسطة (لولين)

مناحي الصميل ... صح لسانك ... قصيد ة رائعة

لولين

صح بدنش

الرائع هو مرورش

شكرا

[مناحي الصميل]

المشاركة الأصلية كتبت بواسطة محمد المجول

إي والله أبشر بالسعد وقفت جبل ماله أمد=يمناي يالكايد يمينك فالشدايد يالشديد.
مالك ومال أهل الردى والضيق وأشباه النكد=أنت الذي مثلك جبل والطيب له ساعي بريد.
خذني حزامك والفشق وأبشر إيلا صاح الرعد=والكايده حنا لها لو صار به بد وبديد.
ماهو صحيح اللي يقول النار يورثها رمد=إلا الذي طبعه ردي ربوّت التيس الشريد.
إي والله أبشر بالسعد كلمة رجل كنه بلد=خل الردي يبقى ردي والطيب لك ساعي بريد.

صح إلسانك يامناحي

قصيده دره ورائعه وإسمحلي على مدخلتي بهالأبيات عساها ترتقي لدرتك

تقبل تحياتي

أخوك

الرائع محمد المجول

صح الله بدنك


وصح الله لسانك مليار على ذا الأبيات القمّه

وكفووو والله اني صادق

رد جزل من شاعر جزاله

الله لا يهينك وبيض الله وجهك

[مناحي الصميل]

المشاركة الأصلية كتبت بواسطة عبد الله ال زريق

صح لسانك يأبوفهاد
قصيده بدون مجامله أعجبتني
وماهي غريبه عليك شاعر جزل

ارحب يابو خالد

صح الله بدنك

ولي الشرف ان الأبيات حازت على اعجابك
وما الجزل الا راسك انفداك


لا هنت على حضورك