مرثية بن قضعان في الشيخ : عبدالله بن بعيث (جديد)

[صديـــــع وطق بعـــــصا]

ليت الحزن في عيـن دار الجديـده=ونقول حزِنِ مرنا مثـل الاحـزان
لكن حـزن اليـوم حالـه فريـده=حزنِ شمل كل القبايـل والاوطـان
حـزنِ شمـل يـامِ بديـده بديـده=من قبل لايشمل مداغيش قحطـان
حزنِ على شيـخِ علومـه مجيـده=يفرح به ضعوف ويتاما وضيفـان
راعـي يميـنِ ماتمـد الزهـيـده=يشهد على قولي طراقي وجيـران
عبدالله بن بعيـث محـزم عظيـده=لاظاعة الهقـوات بفـلان وفـلان
شيخ ال الحمرا فالسنين الشديـده=كم فرج الكربه وكـم سـد ديـان
وكم من سجينِ فالدجاء فـك قيـده=وأعتق رقبة إللي بلا أعمام وإخوان
ياحلفـنـا ياطيبـيـن العقـيـده=ياصادقين الحلف مـره وعجمـان
عـزالله انـه راح منكـم فقـيـده=شيخِ جمع شيخه ومسجـد وقـران
ولملم شمل ربعـه بعينـه وبيـده=وخلد لهم في قمة المجـد عنـوان
الراس قاسـي والمشابـح بعيـده=والقلب ليـن والعطيـات سفطـان
لوكل شيـخِ ياصـل إللـي يريـده=ماميز الله شيخ من بيـن شيخـان
من حبـه الله حببـه فـي عبيـده=ومن يعمل المعروف يجزا بالاحسان
يالله عسى الروح الفقيـده شهيـده=وعسى عوضنا في طويلين الايمان
عواله إللـي كـل منهـم وليـده=مقدامهـم فهـد وخالـد ومشعـان
روس الحـرار النـادرات العنيـده=تخريجهم من مدرسة طير حـوران
يالله عسى عقب الحيـاة السعيـده=تجعل لـه الجنـه مقـرِ وعنـوان

[حمود الهاجري]

المرثيه في شيخ شمل ال حمرا من بني هاجر المرحوم/ عبدالله ابن بعيث

جعل اعظامه للجنة

راح منا شيخ سنافي وطيب ابو فهد واصل ومتعدي يمال الجنه اي والله


لاهنت وصح السان العرجاني

[مهرة النسيان]

الله يغفر لجميع موتى المسلمين ..

وصح لسان ابن قضعان ..

ولاهنت على النقل ..

[محمد الغيثاني]

رحمه الله وبيض الله وجه الشاعر على المرثيه الرائعه

[حـــوران]

الله يرحم عبدالله ابن بعيث

رجل ٍ كسب قولة النعم في حياته .. ورجل ٍ من اهل الخير والدين

والله يجعل مثواه الجنه

لاهنت على النقل اخوي صديع

ولاهان ابن قضعان على المرثيه في اللي يستاهلها

[مسعطر]

أشكرك أخي صديع على نقل القصيدة.


والله يرحم ابن بعيث رحمة واسعة و يدخله الجنة.


و صح لسان ابن قضعان.


تقبل مروري.

[سعود الخويطري]

الله يرحم - الشيخ : عبدالله بن بعيث . . ويسكنه فسيح جناته



ولاهنت مليار يـ صديع على الاختيار الجزل لـ ضيدان بن قضعان




وتقبل سلامي واشواقي

[عـسـاه خـيـر]

صح الله السانه .. ولاهنت يا صديع على هالنقل الرائع.