تقادير حزني والهوى في عروض الليل!!

[المعنـا]

الســلام عليـــكم ورحمــة الله وبركاته ,,,
تقادير حزني والهوى في عروض الليل = على ماش قلبي فاصلع الرجم عداني
انب الرجم واشكي عليه القسى والويل = على من تمنيته وهو ماتمناني
بكيته حزن والدمع مايجبره منديل = والا ياخفوقن شاقنيله وابكاني
اخط الدروب الكايده في جناب الميل = واحد الزمان اللي قوى لو تحداني
على من سبا قلبي وهو فالغرام ابخيل = يشح الوليف ابساعته يوم لاقاني
انا لو اشيل القلب في كفتي ماشيل = مدام الهوى مملي بقلبي وشرياني
ليا جيت اخفي عن غرامه على ماقيل = لقيت الاسى والهم والحب واحزاني
تراني قتيل الحب دامي عليه اقتيل = وانا بعد موتي الله اللي له احياني
سرابي خيالي في حدود الجدي وسهيل = صباحي هموم وحب خلي مسياني
ليا من نويت اصد عنه فلابي حيل = بلاني وليفي والله اللي به ابلاني
انا ماهقيت انه يجي ناتج التحصيل = فراقن يعن يشوق في خافق العاني
نويت اشرح اللي في ضميري على ذالجيل = وانا اللي تعاييت الغلا يومه اعياني
يقولون في درب الهوى يرفض التاجيل = وانا اقول خيرة صبرنا في لقا ثاني

---

التعديل الأخير تم بواسطة : المعنـا بتاريخ 02-04-2006 الساعة 03:02 AM.