تصوّر انك تحب!!

[محـMـد الـMـري]

تصوّر انك تحب انسان

(انك) <-- هنا تعني المذكّر والمؤنث وكذالك --> (انسان)

نعود لموضوعنا

تصوّر انك تحب انسان
تحبّه يعني تحبّه فعلاً تحبّه

تحبّه وتصرّح له بحبّك وهو يبادلك نفس الشعور
وفجأه تحس منّه بعض البرود

تشوف انه ماعاد يصرّح لك بحبّه
واذا صرّحت له بحبّك له يرد عليك بأي شئ لايناسب تلك المصارحه

تتم في حيره من امرك
تتساءل ماذا لعلي فعلت او قلت!!؟؟

تبتعد عنه يوم او كم يوم لـ ترى ماذا سيجري
تبتعد وانت تتقطّع لا تريد البعد ولكنّك تبتعد

بعد الابتعاد يوم او يومين تأتيك رسالة منه
تقول الرساله:- اشتقت لك!!

فـ بـ ماذا ترد عليه؟؟؟؟

اتمنى التفاعل من الجميع بوضع انفسهم في هذا الموقف











تدرون وش بيكون ردي لو اني في نفس هذا الموقف!!؟؟

بارُد بـ هذا:-

يامرحبا باللي يقول انه اشتاق=فقط يقول اشتاق وانا احبه
انا احبه حب من لُب الاعماق=حبٍ ماخلاّ عرق بي ما نشب به
آحبه آحبه آحبه وأشتاق=يدري بي الخلاّق ربي وربه
ولو جاوني كل الملا غيره أطلاق=محدٍ بهالخفّاق حل ولعب به

وسلامتكم



ملاحظه:- يمكن مايكون هذا المكان المناسب لـهذا الموضوع فإعذروني وانقلوه لمكانه المناسب

[اميرة الرووح]

اخوي محمد وربي لو مكانك ماخلية لازم احسسة اني مازلت احبة بكلام اوتصرفاتي اولي شي هو هذا يحبني من قلب بيحس فيني ااااكيد مايخلينى تسلم يالغلا على موضوعك رمانسي وحلو

[مهرة النسيان]

يامرحبا محمد ..

من وجهه نظري ..

بعض العرب حبه يوردك الجنون=ولا لك الا الصبر ويش وداك له

المحب يتغاضى عن جميع عيوب المحبوب وتصبح مزايا ايضا ..

واخي محمد في ما معنى الحديث .. " التمس لاخيك المسلم سبعين عذرا "

كيف اذا بالمحبوب !!؟

اشكرك على طرح الموضوع ومكانه صحيح يامحمد ..

[محـMـد الـMـري]

اميرة الرووح
اشكرك جزيل الشكر على المرور والتفاعل

انا عن نفسي لو اني في هذا الموقف ماني مخليه
وعبرت عن هذا بابيات في الموضوع نفسه

شكراً عزيزتي
مرورك وتفاعلك كان احلى من الموضوع

[محـMـد الـMـري]

مهرة النسيان

والبقابك والله

كلامك صحيح يامهره ولكن ليس كل العيوب يمكن التغاصي عنها

إي والله وش ودّاك له!!؟؟
وصح لسان ابن فطيس

وياما إلتماس اعذار واعذار

سلمت يدينش على المرور

[الفرس]

اخوي محمد

هو ما جاك وقال لك اشتقت لك .. ؟؟ طيب .. معناته فيه استلطاف ..

انا برايي ان ابياتك في محلها

وعلى قولة مهره وش وداك له
.. يصبرك عليه الله

تقبل مروري

[محمد الغيثاني]

السلام
خذ العلم مني بما اني شايب وحسب خبرتي ((الله يالخبره ))

اتوقع ان حبك له اهو المشكله
حيث صارت اي جمله لطيفه منه تتبدل في خيالك وتتحول إلى تبادل للمحبه لحد ما تخيلت انه يبادلك الحب والمشاعر في الوقت اللي الحبيب او الحبيبه ما درى عنك وماخذ الموضوع من باب الميانه وكثرت الكلام وانه اخذ عليك وماصار يدقق في كلامه وانت مشرع قلبك كل ما قال آه قلت انت سلامتك يا قلبي حتى لو كانت الـ آه عنده تعني تعبت من هالسوالف بروح انام

اعذرني يمكن تتضايق من كلامي بس هذا اعتقادي لذلك رد عليه عادي وخلك صديق ويا اما انه بيصارحك بحبه اذا يحبك او راح تعرف انه يعزك بصوره حلوه ما توصل للمحبه وتبادل المشاعر
وخلك ثقيل تراهم يحبون الثقل

ودمتم سالمين

ودمتم سالمين

[محـMـد الـMـري]

الفرس

هو الحقيقه ماجاني لكن جاه <-- غائب

شكراً على الاشاده بالابيات
وهذا من ذوقك

اي والله وش وداه له

الله كريم

[محـMـد الـMـري]

دوحه ستار

دمت سالم

ومشكور على المرور

[قلب الشوق]

طبيعة البشر وش تقول ؟

اللي قريب منك ويلزق فيك تنفر منه

وأول ما يبتعد شوية تشتاق له !


طبيعة بشرية أزلية .. الانسان ما يحب شعور الاختناق


ويمكن لما نحتوي اللي نحبه ونزيد كلام الحب يشعر بالضيق

وأول ما نبتعد .. يشتاق لهالكلام ويحس بالتقدير لصاحب كل هذا الحب.


كل شي بالحياة لازم يكون فيه "توازن"

حتى الحب


أدام الله عليكم نعمه .. وبارك الله لكم فيمن تحبون تحت ظله

مشكوور ياخوي على طرح الموضوع الحلو