آآآآه مـنـي .....!

[محمد المجول]

آآه مني والقلم يرثي غيابك=إغرقت عيني..وحبري مدمعي لك.
وآآه منك من رحلت إلين جابك=همس..لأسمك في خفوقي يشتكي لك.
من رثيتك بس أنادي عند بابك=قوم تكفى يامليكي ودني لك.
ودني لك..ضمني داخل ترابك=ودني لك..أو تعال وجيبني لك.
في غيابك ماتبعت إلا سرابك=وإلخيالك جيت...لكني قتيلك.
أذكر إني قلت لك..(قلبي حيابك)=وأذكر إنك قلت لي..(ياحبني لك)
وإتفقنا والعهد بأول كتابك=قلتلك والصدق زاهي صفحتي لك.
تنتهي لي..جاك كلي وإبتدابك=تبتدي لي..سقت عمري ينتهي لك.
وتحيالي..ويحيالك قلب ذابك=وتعني لي كل حاجه...وآعني لك.
ويعشقك قلبي..وعيني ماتهابك=وتسكن ضلوعي..وروحي ماتشيلك.
وأبعدك مشتاق..ودي في عذابك=وتحترق لي شوق..وأتغلا وأجي لك.
وأسألك محتار..؟..وأضحك من عتابك=ضعت فيني وأشهد إن ماني دليلك.
آآآه ليت الوقت ماعجل ذهابك=وآآآه مني لاطرت لحظة رحيلك.
ماذكرت إلا دموعي وإغترابك=وماذكرت إلا خفوقن ينتمي لك.
عاد عيدك كل سنه من قلب ذابك=ماإرتوى منك غلا..(كيف أرتوي لك)
والدليل إني رثيتك في غيابك=وأنت عايش..!والشعر لك..(مدمعي لك)