ألاياللي تعاتبني عقب رديت كيف الحال..تحدثنا وكلٍ نزّل عقاله و فنجاله (مصافحه أولى)

[عبدالله بن دريب]

مصافحة أولى .. بإحدى قصائدي و إن شاء الله تلقى القبول لديكم..

أترككم مع القصيدة..

تعاتبني قبل قول السلام و قبل كيف الحال=تفضل و أسترح و أقدع و أخذ فنجال و بياله
وألى منّا نثرنا الفوح الأول عقب طاب الفال=تفاهمنا و كلٍ جاب ما يطري على باله
نشرّقها نغرّبها انبرّك للحمول جمال=ضعيف الحيل وافي الكيل ما يحتال يشتاله
نسرّيها و راعيها وراها و العلوم اطوال=ورى عم القصيد و عم ابوه و جده و خاله
أشوف اللي تشوفه و الركادة راية العقّال=و لو طال المحال الحال ما يبقى على حاله
ما دام الصين تعرف سورها مبني على الأطلال=يسجلها صدى التاريخ و يرويها على أجياله
سبحنا في البحور ألين مات الموج فوق الجال=و جبنا من ثرى كوكب عطارد منهج الداله
لقيته يبكّي العاقل و يضحك نهجه الجهال=يتوه اللي لقاه و ما عرف و شلون محواله
تضيع أم الروابع فوق روس أجيال عبر أجيال=يهيم الجيل في هامش زمانٍ ما تهيّا له
على كفين و الميزان كنّه قارئ الفنجال=عظيمه يا عصى موسى على فرعون و أشكاله
و أنا لو قلت هذا و أختلف قولي عن الأمثال=شكاني منبرٍ ما يكرمه يا كود سلاّله
و لولا السيف ما يعشق عنان المهرة الخيال=ولا داس الجبال و شان وجه البين و أحواله
مشينا و ألتقينا فـ النهاية بالهلال هلال=و شفنا و المراحل عوج.. عوج إبليس و عياله
دهاني ما لقيته بالوصايف كنّه الأدغال=إلى منّك عرفته لا تقول فلان ما قاله
عسى ربي يكافينا دروب الهون و الإذلال=أشوفه من ورى كسرى على دربه و موّاله
و ألا ياللي تعاتبني عقب رديت كيف الحال=تحدثنا و كلٍ نزّل عقاله و فنجاله

[الفرس]

نشرّقهـا نغرّبهـا انبـرّك للحمـول جـمـال=ضعيف الحيل وافي الكيل مـا يحتـال يشتالـه
نسرّيها و راعيهـا وراهـا و العلـوم اطـوال=ورى عم القصيد و عم ابوه و جـده و خالـه
أشوف اللي تشوفه و الركـادة رايـة العقّـال=و لو طال المحال الحال ما يبقـى علـى حالـه

الله الله الله


مصافحه قويه وموفقه ..


ويشرفني ان اكون اول الردود ..


اخوي عبدالله .. ابيات في قمة الروعه وقمة معنى لايعنيه اللا من يعيه ..


تقبلني بأزكى تحيه على ما سطرته اناملك من بنيات الهامك ..

لله درك ..

والله اني من البارح وأنا أقراها .

وكل ماجيت أبرد . أألتهي

صح الله لسانك مليون ولا يسدون ولاهنت .

قصيدتن وافيه مثل راعيها ..

سلام

[مهرة النسيان]

صح لسانك مدد بلا عدد..

مصافحه فاخرة وراقيه ..

بانتظار المزيد ..

[عبدالله بن دريب]

الأخت الفاضلة الفرس .. شكراً على مرورش الكريم
و على التعليق الجميل و إن شاء الله نقدم ما يعجبكم جميعاً..

[عبدالله بن دريب]

الأخ الفاضل محمد بن دسمه .. شكراً على مرورك الكريم
و على التعليق الجميل و إن شاء الله نقدم ما يعجبكم جميعاً..

[عبدالله بن دريب]

الأخت الفاضلة مهرة النسيان .. شكراً على مرورش الكريم
و على التعليق الجميل و إن شاء الله نقدم ما يعجبكم جميعاً..

[الكونكورد]

أشوف اللي تشوفه و الركـادة رايـة العقّـال = و لو طال المحال الحال ما يبقـى علـى حالـه
ما دام الصين تعرف سورها مبني على الأطلال = يسجلها صدى التاريخ و يرويها علـى أجيالـه
سبحنا في البحور ألين مات الموج فوق الجـال = و جبنا من ثرى كوكب عطارد منهـج الدالـه
لقيته يبكّي العاقل و يضحـك نهجـه الجهـال = يتوه اللي لقاه و ما عرف و شلـون محوالـه
تضيع أم الروابع فوق روس أجيال عبر أجيال = يهيم الجيل في هامـش زمـانٍ مـا تهيّـا لـه
على كفين و الميـزان كنّـه قـارئ الفنجـال = عظيمه يا عصى موسى على فرعون و أشكاله

الله الله ،،، سلامي عليك

صح لسانك يابو متعب

[الملكة]

قصيد.. ومعاني .. وفلسفة..
الاكيد انها مصافحة رائعة..
صح لسانك..وعلا شانك..

[عبدالله بن دريب]

الأخ الفاضل الكنكورد .. شكراً على مرورك الكريم
و على التعليق الجميل و إن شاء الله نقدم ما يعجبكم جميعاً..