جـــرح الألـــم

[بنت_الغلا]

اعتذر عن انقطاعي لفتره ...

من القديم أتمنى يعجبكم

وش ذكر القلب الألم فـي وقـت عنّـه قـد نسـا=يــومٍ يـفـز بخافـقـي وقــتٍ أنـــا بـــه نـاسـيـه
وش ذكّره حبٍ مضا عرض خفوقـي للأسـا=عفته بعد جـرح الألـم ذيـك السنيـن الماضيـه
ذكرا موانـي غربتـي يـومٍ شراعـه بـي رسـا=موجـة خفـوقٍ تنتهـي وموجـة خـفـوقٍ بـاديـه
ذكـرا صـراع الأزمنـه ..وقـتٍ ابــد ماينّـسـا=في وقت صنـاع الهـوا أهـل القلـوب القاسيـه
نويت أنـا قطـع الوصـل بيـرق غـلاه منكّسـا=وأعلن حداد الأزمنه ..ولو كنت انا به عانيـه
حكم انحكم مـن قاضيـي ماينفعـه عـلّ وعسـا=ولـو هـو أميـر بظلمتـه بالـحـق أبـقـا الوالـيـه
ضميت أنا شوك الغدر وردٍ خلط به نرجسـا=ولامـن لمحنـي عاذلـي يلمحنـي دومٍ راضيـه
يسري الشقا في خافقي سيـفٍ بقلبـي يغرسـا=ومثـل النّخيـل بهامتـي وانــا بـعـزيّ راسـيـه
سلمـت لجلـه خافقـي قصـرٍ وبـه لــه مجلـسـا=وضربت له معنى الوفا معه المعاني الساميه
لنّ الوفا من نبتنا..وطبـع الصّـدق فـيّ اكتسـا=وبعين طبعـي شفتهم...أهـل الصفـات الباليـه
ظنينتهـم مــن ربعـنـا لــن الـوفـا بــي إسـسـا=غلطـه وانـا أدفـع حقّهـا ابكـل دقيـقـه وثانـيـه
غـابـت سـعـادة شمسـنـا ثــمٍ تبادلـنـا الـمـسـا=ولو تلمع نجومه ندم شمسي تكـون الضاويـه
ذكـرا تتـم بخافـقـي ومهـمـا اقــول انــه قـسـا=بـتـم انــا اذكــر طيفـهـا لـنـي بطبـعـي وافـيـه

بنت_الغلا

[فهد بن محسن]

بنت الغلا


حياك الله وبياك ........... والعود احمد ان شا الله


صح لسانك ولاهنتي قصيده رائعه جدا

تحياتي لك

[البنايد]

صح السانك

[العوووود]

بنت الغلا صح اللسانش ولاهنتي

[حبيب]

بنت الغلا حياك الله معناا مره ثانيه
وصح السااانك قصيده جزله لاهنتي

تحياتي

[بنت_الغلا]

فهد بن محسن

الله يحييك .

صح بدنك ....ولاهنت على مرورك الذي اسعدني

بنت_الغلا

[الهاوي]

بنت الغلاا

ياهلا وغلاا

وحياش الله ولاهنتي وصح السانش ياطيبه

تقبلي أطيب ,ارق تحياتي,,,

[شموخ العز]

بنت الغلا

تسلم يمينك

[لـمـى]

غـابـت سـعـادة شمسـنـا ثــمٍ تبادلـنـا الـمـسـا
..........ولو تلمع نجومه ندم شمسي تكـون الضاويـه

صح لسانك اختي

[بنت_الغلا]

البنايد

صح بدنــــك