مساجله شعريه .......

[][ .. خــجــل .. ][]

ناسٍ تنام مدهنة .. في دهن عود

.. وناسٍ تنام .. مدهنة بـ زيت مقري ..!

[على دروب الغانمين]

ههههههههه صح لسانش بيت رووووعه فرق بين الاول والثاني

ياطير ياللّي في ركون الحديقه=بين الشّجر تصدح غناويك ياطير
قل لرّفيق اللّي يخلّي رفيقه:=(مافيك خير.وخوّتك مابها خير)!!

منقول

[][ .. خــجــل .. ][]

^
^
صح بدنك

روح بـطريقك .. ولا انا !

لي عام ، أدوّر لي طريـق

وإليا رجعت ! .. انا هنـا

والريح ،! ماحرّك طويـق

[شيخة الغلا]

قمت احتفل بالجرح من كثر فرحي


واتذكر أغلى انسان فارق على خير


يعني انا اكتب والأيام تمحي


يعني الوفا ماله مع الوقت تقدير


يعني عذابي مايوفيه شرحي


يعني الزمن ماله مبادي وتفسير


الله يسقي يوم شيدت صرحي


والله يرحم حب ولى مع الغير


فكل ليله وافقت عيد ميلاد جرحي


امسي على دمعه واصبح على خير

[بنت عز]

اخاف صمتي لايبوح انهزامي ++ وتاخذني العزه بنفسي وأخليك

[][ .. خــجــل .. ][]

؛؛ .. كنت احسب .. ان الغلا زال واثره لايزال .. ؛؛

؛؛ .. في الحشا ما كنه .. الا دخيلٍ في وجيه .. ؛؛

[طويل البال]

>هيبتي<

حتى فـ غيآبي "تحشم" آلنفـس بقفـآي ,,,

والله اني مرعبتــــــــــــــــهم

يزعلـون ويقعـدوووون


>>>> وقعي بس وقعي

[مواطن عادي]

8
8

نويت... ارحل مع... أشواقي ...نويت انساك
وتعثر حظي الأقشر.. ولاأدري وين ...وداني



بعد مارحت .....وانت ياصاحبي .......مايخفاك
طحت من القهر00ضايق00وهايم00وعطشاني

[بطاح]

:

يـامــن عـلــى ثــايــر فــــؤادي تــولــى=خلّـك عـلـى قـلـب الكـرامـه شفـوقـي
اكـــــرم عــزيـــزٍ بـالـعـمــر مـااســتــذلا=يـسـوق عـمـره للمـشـاريـف سـوقــي
اخـتـرتـك مـــن الـنــاس للـقـلـب خــــلاّ=ياحـيـثـك مـــرادي وكـيـفـي وذوقــــي
مـــارحـــت ادور كــــــل زولٍ تــحــلــى=لــولاك تـســوى ماعطـيـتـك خـفـوقـي

الشاعر / الامير خالد الفيصـل

حـرف الياء

[][ .. خــجــل .. ][]

××.. ياليل لاتشره علي إن شفتنـي ادرى الدمـوع ..××
والله ماصدق متـى تضـوي علـي واهلهـا

××..لاصرت انا لحالي بعيد امن الرفاقه والجموع..××
اهل عبراتي على كيفـي وانـا شفـق ٍ لهـا

××.. ماودي اصغر في عيون اللي غدولي كالدروع ..××
وانـا الـذي بعيونـهـم اعلـهـا واحلـهـا

××..اهلها من جور دنيـا همهـا بيـن الضلـوع..××
لاهي صفت لي بالرخا ولا خذت شي ٍ لهـا