مساجله شعريه .......

[حـــوران]

انا وخلي طبعنا امحق وكل شي ٍ نبيه = ماهو بيكفينا غلا .. ولا ولا ولا ولا
لاقال لي : تبي بعد ؟ .. اسرح معه واقول: ايـه = ولا قلت له : كافي كذا ..؟ يسكت شوي ! .. ويقول:لا

[مهرة النسيان]

العام نضحك في حضور .. الهدايا=واليوم لا.. شـفنا الهدايـا بكينا

[مهرة النسيان]

أنا رفيقك بالليالي المعاسير = والا الرخا كلٍ يسد بمكاني

[الفرس]

يابري حالي ليا اشتقت لـك وانتـه بعيـد=ثم قعـدت استعـرض الذكريـات الزايلـة
يوم اجيك وكل ماقلـت لـي بيـتٍ جديـد=قلـت لـي : الله !!.. بالله منهـو قايلـه
وخص لامن قلت : لي , قلت لي : بالله عيد=شعـرك يشتـت همـوم ٍ بقلبـي هايلـه

[مهرة النسيان]

هذا اعترافي مدام انك .. سألتيني .. !=عاشق .. ولاني عن دروب الهوى زاهد
قلبي خضر واعشق اللي شافته عيني=ومن بين قلبي وعيني حلف ومعاهد
انتي لا جت للمشاعر تستحقيني =لكن انا .. ما استحقك والله الشاهد

[مايصح ألاالصحيح]

دريت إن عمري المقبل كــــفاحـــه

يبــــي منــــي بـــذل جهــدٍ كـــثيــري

وكـــاد إن ودي تــــسود الـسماحه

لـــــكل الـــناس والــــدنـيا بـخـيـري

ولــــكن وقــتـنا عـــصر الـبجاحـه

وأشــــوف إن الـوفــا ماهو يسـيـري

[الفرس]

يا لين طاعة عقب ما لانت من الـراس العنيـد=فرايد(ن)مثل الدرر فـي وصفهـا وألـوان زل
واليوم أنا بقولها وأعيدهـا يـا أهـل القصيـد=والله مـا أقـرأ للهزل والله مـا أكتـب للهزل

[مهرة النسيان]

لا تِغمض اعيونك وتنكر علـيّ العطـا=يمكن تعوّض بنظرة عينك اللي مضـاك
صحيح بيني وبينـك درب لكـن خطـا=تعرف وش اللي نويته لك وتقصر خطاك
ولا بكثّر عليـك الهـرج فـرّ الفضـا=شِف الرّضى وين بيوديك والحق رضاك
ان جيت يامرحبا عيني فـراش وغطـا=وان رحت جعل السعد حظك وزادك وماك

[! شيخـــــة المنتــــدى !]

كل ماقلتله يا ابن الحلال ،، المحبه عطى وانت بخيل
إلتفت يمي وهو عجل وقال ،، لذة الحب فالشي القليل

[حـــوران]

لكنّ هي بالذات كانـت غيـر عـن كـل المـلاح=كانت تحسّسني إني اعظم مـن علـى الدنيـا ولـد
كانـت تدللنـي بفـن اسلـوب اسميـه اجتـيـاح=باسلوبهـا تجتـاح فكـري والمشاعـر والجسـد
كانـت سوالفنـا فضيعـه لا حـرام ولا مـبـاح=اقرب حلال من المحـرم واخـر المكـروه حـد