[ مفـآهيـم الخجل ]

[خلاوي الشمالي]

ولكم باك خجل

نتمنى انك ترجعين في ابداعك مثل قبل واحسن

تقبلي اعجابي

[][ .. خــجــل .. ][]

خلاوي الشمالي
يسلمك ربي على تواجدك
شكرا ً من القلب

[][ .. خــجــل .. ][]

( اعذروني عن غيابٍ ) ماعرفت اسبابه
رحت والا جيت مابه عـذرٍ يجمّلنّـي

غير وقت ٍ كل ماكشّـر علـي بنابـه
عنه صفّيت اربعي من خوف لا ياكلنّي

[][ .. خــجــل .. ][]

22-06-2009, 05:49 AM
تاريخ البداية

اذكر هالتاريخ عدل .. كنت افتر بالنت من غير هدف كـ العاده
شوي
والا تطري على بالي فكرة " ليش ما أسوي لي ركن خاص فيني .. و أجمع فيه
من أبيات الشعر اللي تعجبني " !!

وعلى هـ الأساس .. اقتنعت وتوكلت على الله
وسويت ركني ..!


وقصيت شريط الافتتاح .. وخليت هـ الموضوع متنفس لـ خجل
أي شعور سواء فرح .. ضيقة .. حزن .. راحة بال .. صدّقته في ركني
وكل مشاركة كتبتها نابعة من اعماق اعماقي .. ومعظمها لها قصة خلتني احطها هنا


اذكر قصيدة ابن نوطان .. وهي من أقرب أقرب أقرب القصايد لـ قلبي
وكنت حريصة على وجودها في ركني .. على اعتبار انها تتسيد أبيات الشعر بالنسبة لي

وأذكر ذكرياتي
والتواريخ اللي خطيتها هنا وعنونتها بـ كلمات تشرح هـ الذكريات حتى لو كانت لـ الكل مبهمة وغير واضحة ابد ابد .. الا انها أوضح من الشمس عندي

وأذكر شيلة ربّع الحزن وجوها الخااااااانق اللي حسيته مع أول مره اسمعها فيه .. وأذكر شتا العام اللي عرفتها فيه
وبكاني

وأذكر تعب امي ومرضها وأنا حاطه قصيدة عن الأم

وأذكر أبيات الوداع والرحيل اللي تآكل شي من قلبي .. وانا اختارها وأنسقها بـ عناية .. وبـ ألم !!


وأذكر خامس يوم

وأذكر لا ياخذونك .. و حجم الآآآآه اللي سببته لي وهي بيتين فقط لا غير !!

وأذكر 19 / 7 / 2009 .. وخوفي فيه !!

وأذكر 3 / 11 / 2009 .. وعلومه


واذكر مشاركات كل اللي مر على ركني .. بدون استثناء
واللي ابيكم تعرفونه انكم كلكم هنا --> .. وان تواجدكم في ركني مصدر سعادة وانبساط




يعني المختصر المفيد :-
[ مفاهيم الخجل ]
بطاقة تعريف خجل من تاريخ أول مشاركة .. الى آخر مشاركة


لكن خلاص كل شي وله نهاية / ومفاهيم الخجل اليوم آخر حلقة / ولا فيه جزء ثاني


14 / 12 / 2009 , 50 : 03 pM
تاريخ النهاية

[كاسب الطيب ..َ]

خجلَ


مساك ورد .. وجوريَ

انشالله تكونين بخير وبصحه طيبه




لك وحشـه : )


حن مانبيَ حزء ثاني ... نبغى ، نعيد الجزء هذا


بـ انتظارك بأذن الله

[][ .. خــجــل .. ][]

طلع غبار من موضوعي

كاسب الطيب



مرحبا بك فـ موضوعك .. واشكرك على مرورك ومتابعتك الدايمة ..!
وتأكد ان الموضوع ما وصل الى ما هو عليه الا من تواصلكم ومتابعتكم .!

انا اشكرك جزيل الشكر على كلامك وعلى ردك اللي يشرفني
ويقول المثل ما يرد الكريم الا اللئيم .. ومابي احد يقول اني لئيمة

لكن والله ان [ مفاهيم الخجل ] .. له ظروفه الخاصة وله وقته الخاص
ولو عندي الوقت والا الاقبال على تجميع الشعر واختياره زي قبل .. اني ارده من جديد



انا اشكر اهتمامك .. واتمنى تقبل اسفي في تصكير المفاهيم .. وعندي رابطين متأكده مليون بـ 100%
ان متابعتها راح ترضيكم


http://alajman.ws/vb/showthread.php?t=46973


http://alajman.ws/vb/showthread.php?t=37879





فمان الله

[كاسب الطيب ..َ]

عادنا متابعيينْ ..

[][ .. خــجــل .. ][]

^
^
^






تعظيم سلام

[عليل المحبه]

|


ابطى غيابك يامفاهيم الخجل
وحنا على غيبتك نبقى صابرين

[كاسب الطيب ..َ]

واحلى باك ..