خالد بن نايف القحطاااني ..مـدري ذكـا ولا غبـا ولا شقـا ولا كـبـر.والكبـر لله والبشـر

[الخزااامى]

السلام عليكم//
قصيده عجبتني للشاعر نايف بن خالد القحطاااااني///

البارحه عيني جفاهـا النـوم واتعبهـا السهـر=عـزاه يانفـس مـن التفكيـر عافـت نومهـا
الهم والهوجـاس والتفكيـر فالموقـف حضـر=وشلون نفس تجتمـع فيهـا تشـوف حلومهـا
تدرون ويش اقشر عواقيب السهر عند البشـر=اليا غزاها الهـم تشبـك يومهـا فـي يومهـا
اليـوم تمضـي ساعتـه والليـل ماكنـه يمـر=لاشك ماللنفـس صـده عـن وفـا مقسومهـا
والله لـولا انهـا تريحنـي مواذيـن الفـجـر=ركعاتها تجلى عن النفـس الحزيـن همومهـا
ماكان عندي للحيـاه اقـدام وطمـوح وصبـر=ولاكان كابدت الضروف اللي تميـت سهومهـا
الله ولا بعض الطمـع والفلسفـه يابـو مطـر=ياليت نفسي طاوعت شـوري قبـل لا الومهـا
انته خوييي والنضر ياصاحبي حـول النضـر=واهل الفعول اللـي تشرفنـا نحـب خشومهـا
انا بغيـت الجـدي وسهيـل اليمانـي والقمـ=رفي ليلة مدحت حضـي يـوم شفـت نجومهـا
بعد انتضار وبعد وقت ويـا عـذاب المنتضـر=اللي يشوف نجومهـا واللـي يعشـق رقومهـا
اثر الفرص بعض الفرص تاتي مثل لمح البصر=واثر السلـع ماكـل رجـال يعـرف يسومهـا
عل وعسا انه مايكون اللي حصل غلطة عمـر=تبقى على شاشـة خيـال اللآدمـي برسومهـا
مـدري ذكـا ولا غبـا ولا شقـا ولا كـبـر=والكبـر لله والبشـر ياضعـف قـو عزومهـا
بعض البشر قلبه لحم والبعض الاخر من حجر=والبعـض الاخـر لامعناهـا ولا مرحومـهـا
واللي معنيني وانـا منـه حياتـي فـي خطـر=مرجانة من واق في صدري يشـوف وسومهـا
من دونها جور الضروف ودونها عمق البحـر=من دونها غب البحور اللـي صعيـب عومهـا
ومن دونها حض الفتى اما وصـل والا قصـر=واليا وصـل ياكيـف ياصلهـا ويسلـم قومهـا
كم موقف لامن ذكرتـه قلـت يازيـن الحـذر=وديارهـا لامـن ذكرتوهـا ذكـرة رجومهـا
رسمتها في لوحـة الذكـرى بقيفـان الشعـر=وقصورها في داخل اعماقي ياكبـر حجومهـا
ريمية عاشت علـى نبـت الفيافـي والمطـر=الله يامـحـلا محيـاهـا وطـيـب قدومـهـا
اليا اقبلت صار المكان لهـا تراحيـب وصـدر=صـدر ينسيهـا مواجعهـا وعـذل خصومهـا
واليا ادبرة عن عبرة وسط الحشا مالـي عـذر=كن المحاجـر مزنـة حـن الرعـد بغيومهـا
في ذمتي ما احزن على ضلم الهلال من النصر=الحزن فرقـا تسقـي الولهـان مـر سمومهـا
ان ذعذع الغربي ونسنس مالت اغصان الشجر=وان مرنـا الطـاري خوافينـا تبيـن علومهـا

[شيخة الغلا]

القصيده تحزن

بس قمه فالروعه والإبداع ،،

في ذمتي ما احزن على ضلم الهلال من النصر = الحزن فرقـا تسقـي الولهـان مـر سمومهـا
ان ذعذع الغربي ونسنس مالت اغصان الشجر = وان مرنا الطـاري خوافينـا تبيـن علومهـا

ااالله اااالله


صح لسان الشاعر : خالد اقحطاني ،،

وصح نقلك يالخزااامي وتسلم أناملك ،،،

تحياتي

[الخزااامى]

هلا وغلااااا بشيخة الغلااااد //
وصح ابدنك ومشكوووره على ردك //على الأقل عطيتينا وجه //
حاطه هالقصيده وشوفي بس كم عدد المشاهدات ولا حد دخل وقال شكرا//
والي مستغربه منه ان الردود على بعض القصايد بالهبل مع انها أقل مستوى من هالقصيده//
يعطيج العافيه شيخة الغلااااا////

[مسفر مبارك]

صح لسان أبو خااااالد ....!
:
وأبد يـ الخزامى القصيده الرائعه رائعه حتى لو لم يكن عليها أي رد ...!
:
ولكن لربما لم تخالج النظر حتى الآن ....!
:
إحترامي وتقديري ....!

[الخزااامى]

صح ابدنك // مسفر مبارك //ويعطيك العااااافيه على مرورك ///
معك حق.. بس لما حد يرد عليك تحس بتشجيع //
يعني كان ممكن اني قريتها البارحه وعجبتني وما نقلتها اكتفيت بس بمشاهدتها.//
بس قلت احطها هنا منها يستفيد الشاعر ومنها اساهم في المشاركه هنا//
مشكوور وما قصرت///

[مسفر مبارك]

والله صادقه وأنا أخـوك لكن ما باليد حيلــه .......!
:

[][ .. خــجــل .. ][]

تدرون ويش اقشر عواقيب السهر عند البشـر
اليا غزاها الهـم تشبـك يومهـا فـي يومهـا
اليوم تمضـي ساعتـه والليـل ماكنـه يمـر
لاشك ماللنفـس صـده عـن وفـا مقسومهـا


..,, ..,,

اثر الفرص بعض الفرص تاتي مثل لمح البصر
واثر السلع ماكـل رجـال يعـرف يسومهـا
عل وعسا انه مايكون اللي حصل غلطة عمـر
تبقى على شاشـة خيـال اللآدمـي برسومهـا

..,, ..,,

في ذمتي ما احزن على ضلم الهلال من النصر
الحزن فرقـا تسقـي الولهـان مـر سمومهـا
ان ذعذع الغربي ونسنس مالت اغصان الشجر
وان مرنا الطـاري خوافينـا تبيـن علومهـا


..,, ..,,


الله الله الله الله

قصيده روعـــــه .. صح لسان الشاعر نايف القحطاني ..
ويعطيك الف عافيه يالخزامي على نقلها ..



لا هنتي

[الخزااامى]

صح ابدنج يا خجل // والله يعطيج العافيه على ردج وتعليقج..///

[No Comment]

صح لسانك

وبيض الله وجهك على نقل القصيده