ناحته وسط وجداني للشاعر المرهف سلطان الركيبي

[سارا خالد]

ناحته وسط وجداني


يوم غيب سيد عمري وخلاني
مابقى في خافقي شي ٍيهمه

اجمع اوجاع الغلا وانثر احزاني
والجفون تعانق الديم وتلمه

ليت والله يوم بعد وخلاني
رد قلب ٍ بين اصابيعه وكمه

ان بغيت اغفى كرى الجفن ماجاني
وان نويت ابعد غدى الدرب واليمه

وان نظرت الناس شفته هو الداني
فـ الحشا واقصى شراييني تظمه

ولاذكرت انه هجر وابتعد ثاني
غبت واصحي فوقي الناس ملتمه

ايه احبه واعشقه زهرة ازماني
ولو جزاني ماكفاني ولو دمه

يكفي اني مخلده بعذب الحاني
بالشوارد قمة ٍ واعتلت قمه

ويكفي اني ناحته وسط وجداني
فـ الحنايا اللي وفته على الذمه

علموه ان هزه الشوق يبغاني
والله اني عند كلمات من فمه





سلطان فيحان الركيبي

[مسعطر]

صح لسانش اختي سارا خالد ,,,
و صح لسااان المبدع سلطان بن فيحان ,,

على القصيدة الجزلة ,,

تقبلي مروري ,,
أستودعش الله ,,

[شيخة الغلا]

تسلم أناملك سارا

ولاهنتي عالنقل الحلو

بنتظار جديدك

تحياتي لك

[سارا خالد]

شكرا لك المسعطر وشيخة الغلا دمتم في سعاده وخير

[][ .. خــجــل .. ][]

يعطيك العافيه اختي سارا ..

وصح لسان الشاعر سلطان الركيبي ..

ولاهنتي على نقل القصيدهـ ..


بانتظار جديدك ..


تقبلي مروري ..

[ابونايف الوعيلي]

يعطيش العافيــة

صح لسانش على القصيدة وصح لسـان شاعرهـــا

ابونايف الوعيلي

[سارا خالد]

الرقيقه خجل يسلمووووووووووو
ابو نايف شكرا