ياصحيبي جعلها تحسب عليّه بألف عار... بس والله مايقال إني ترديت بقصير..

[المرجله أخلاق]

المشاركة الأصلية كتبت بواسطة محمد المجول

السلام عليكم ورحمة الله وبركاته

أولاً: حبيت أقدم إعتذاري على طول الغياب

وثانياً أقدم إليكم هذه المتواضعه عسى أن تحوز على رضاكم

يوم جف الحبر مني والورق منه إستثار=هاضني بيتن تهيالي على القاف العسير.
ثم ركبت الموج شامخ والبحر سلم وسار=وإنبسط لي كل علمن مايضر ومايضير.
وإتجه صوب الأكارم حاملن قدر ووقار=وإحترام النفس والحشمه كما السيف الشطير.
من عزيزين الجناب إليا رزينين المسار=من عريبين الجدود إليا معلمت الشوير.
من متمين الصلاه إليا صويبين القرار=من كريمين الخصال إليا منجين الفقير.
من حكيمن العصور إليا أديبين وحرار=من مجلين الرفيق إليا مداوين الضرير.
من رفيعين المقام إليا مولعت الشرار=من مخاويين الرزين إليا حريبين الحقير.
حق نفسي وإن تغنت لا غدى للجار جار=مايجي منه الردى والطيب من فعله ينير.
إيه واللي خالق الدنيا وليله والنهار=مايشم الجنه إللي مغضبن جارن قدير.
ياصحيبي حفظ حرمت جارك يعد إفتخار=واجبن مفروض يجبر كل طيب له ضمير.
ياصحيبي يركبك حق وترى للحق ثار=إن جحدت الجار تجحد لاسنام ولابعير.
ياصحيبي إفهم علومي تراهي بإختصار=وإترك اللي ضايعن دربه ولاله فالنفير.
خل صدر المجلس الفاره لجارك وأنت حار=بالتراحيب البليغه وأنت نفسك تستثير.
إن بدى بأصل الكلام أنصت بحكمه وإقتدار=وإحذر تقاطع كلامه لين يمك يستدير.
إن كبرك السن جله وإن صغرك السن صار=مثل أخيك اللي تحبه وإحذر تناشب قصير.
إدمح الزلات من جارك وخلك كالمدار=في ظلام الليل نور وفالنهار إظلال خير.
إن ذبحت البل أول من يقلط للفقار=وإن ذبحت الشاة يستاهل دسمها ياالأمير.
ياصحيبي جعلها تحسب عليه بألف عار=بس والله مايقال إني ترديت بقصير.

صح لسانك

[ابو ناصر1]

صح لسانك يابو عبيد

ومن طول الغيبات جاب الغنايم

ولا عاد تطول علينا!!!

[الخليفه]

صح لسانك يابو عبيد
ولاهنت على القصيده الطيبه
وبارك الله فيك يالسنافي

[مسفر مبارك]

صح لسانك يالقرم وجزله من راس جزل

[محمد المجول]

فخوره إني عجميه

صح الله بدنج طال عمرج

والله لايهينج على مرورج الكريم

اللي نور صفحتي المتواضعه

تقبلي تحياتي

[محمد المجول]

راكان فلاح بن حثلين

صح الله بدنك طال عمرك

والله لايهينك على مرورك الكريم

اللي نور صفحتي المتواضعه

تقبل تحياتي

[بندر العجمي]

صح لسانك يالمجول


بدايه طيبه والى الامام


وقصيدك صراحه كل ماله يزين ويتطور



بندر

[محمد المجول]

راشد العتل

أبو محمد

صح الله بدنك طال عمرك

والله لايهينك على مرورك الكريم

اللي زادني شرف

لاهنت طال عمرك

تقبل تحياتي

[محمد الهتلاني]

صح لسانك يا ابن مجول ولا تبطي بجديدك يا الغالي

[محمد المجول]

عساه خير

صح الله بدنك طال عمرك

والله لايهينك على مرورك الكريم

اللي نور صفحتي المتواضعه

تقبل تحياتي