هلا باللي يقوول اني نسيته

[هامات عز]

السلام عليكم ورحمه الله وبركاته
هاذي احد محاولاتي وعسى ان تنال اعجابكم

هلا باللي يقووول اني نسيته عقب ما قفيت....لا والله ياحبيب الروح حبك في شرايني
انا لولا عيونك والشفايف ماكتبت البيت.... لا فزيت من حلو المنام الى غفت عيني
انا لوكنت ابتخلى حقيقه عنك ما تخليت... ولا فكرت في بعدك ثواني يامعنيني
حبيبي كم شكيت البعد عنك وانت ما حسيت....بقلب الهايم اللي يعشقك يااجمل سنيني
ترى كثر التغلي يهدم اللي بالهوى سويت....وانا قلبي ملل كثر التعب تكفى تداويني
تداويني بصوتك ياحلو وشلون لو غنيت....تذوب كل حرف وصوتك المبحوح ينهيني
ادق لهاتفك ما القاك اعيد ادق ما مليت....انا وشلون باملك حبيبي يانظر عيني
امانه لا تضيع لي اماني كل ما تمنيت....لانه ياحبيب الروح حبك في شرايني

( وســـلامتكم)

تقبلو فائق الاحترام والتقدير

[مسفر بن عكشان]

الله يخلي كل عاشق لمعشوقه
صح صح لسانك
ولا تحرمنا من جديدك
وتقبل ارقى التحات

[هامات عز]

صح بدنك فديت خشمك..........الله لا يهينك على المرور

[الحظ جـابكـ]

ترى كثر التغلي يهدم اللي بالهوى سويت....وانا قلبي ملل كثر التعب تكفى تداويني

صح لسانك طال عمرك ولاهنت على قصيده

[حمود بن فطيس]

هلا باللي يقووول اني نسيته عقب ما قفيت..
..لا والله ياحبيب الروح حبك في شرايني

صح السانك ياهامات

ولاهنت على ماابدعت

تقبل تحيات مودعك

حمود بن فطيس

[هامات عز]

اخوووي المان العرب.... واخوي حمووود... اشكركم على المرور المتواااضع....وصحت ابدانكم.... ولا هنتووووو

[بندر العجمي]

صح السانك ياهامات العز




ولاهنت على ماابدعت




والله لايشينك

[هامات عز]

صح بدنك اخووي بندر... من قال ما يهووون ومرحبا ومسهلا على مرورك المتوااضع.. والله لا يهينك على الحافز الطيب من الراس الطيب

تقبل فائق الاحترام والتقدير