واحد مقهور

[المعنى]

غنـو عليهـا للفـرح واضهروهـا
متشرعه من حولها الـورد منثـور

لجـو غنانيهـم عصيـر وقروهـا
والناس بالفرحات والكـل مسـرور

غنو لهـا بالحيـل ليـن اطربوهـا
وغنت لها الأشجار والناس والـدور

خل أمهـا تفـرح ويفـرح ابوهـا
ما احسد هل الفرحات لو كنت مقهور

يا ليتهم فـي مـن تبـي شاوروهـا
حتى تكون اعذار ونقـول معـذور

ويا ليتهم في مـن تبـي طاوعوهـا
لو كان فيهم قلب واحساس وشعـور

ليش أجبروني بالعنـى واجبروهـا
ليش إكتبو لي عنوة سنين وشهـور

ليش احرموني فرحتـي واحرموهـا
صحيح راع الشوق منهي ومامـور

إن كـان ولياهـم عليّـه رضوهـا
وشلون يرضوها على شيخة الحـور

نفسي تراها فوق لـو مـا عطوهـا
والقلب عن كل الصواديف ماجـور

الله يجازيهـم بنفـس(ن) كـووهـا
والله عسى يجبر عزا كـل مكسـور

خلاص بالقسمه رضيـت اقسموهـا
لا حاذف الطاقه .. ولا ناقز السـور

الشاعر صالح الازوري

[السنافي]

يعطيك العافيه يابرمان

[حبيب]

صح السانك يابرمان ولاهنت

واسمح لي على نقل القصيه لمكانهاا الاصلي بوح وخواطررر

تحياتي

[المعنى]

الاخ السنافي لاهنت علي المرور وتقبل تحياتي

الاخ حبيب صح بدنك ولاهنت علي المرور وتقبل تحياتي