تعالي هنا واعترفي وانت كمان تعال واعترف

[مشاعـل]

ياهلا وسهلا ......... وحيااااااكم اللي ماتنام عينه .

بدخل بالموضوع على طول بدون مقدمات .......

أنا انسانه شريره واحب اسوي مقاااااالب للناس

واتقبل ان الناس يسوون فيني مقالب ........

بس ماحب المواقف المرعبه بصراحه ازعل منها

يالله بسم الله ابدأ اقول لكم مواقفي الشريره اللي مازالت في الذاكره و ما نسيتها مع مرور الايام :::::

الموقف الاول ::::::

يوم كنت صغيره بثالث ابتدائي كنت العب على اختي

وآكل حلوياتها برضااهااا شلون ؟؟؟؟؟

انا من النوع اللي احب اكل حلوياتي بالمدرسه لكن اختي اللي اصغر مني تحب تشتري وتأكلها بالبيت

طبعا بمجرد مانوصل البيت تبدأ عندي حالة ((الشفاحه ))

واطلب من اختي او بالاحرى ((أطر))
من اختي حلاوه او ثنتين من اللي عندها !!!!!

لكن هي مابقلبها رحمه ولا اخوه........... طبعا ترفض وماتعطيني شي!!!!!!

وبما ان الحاجه هي ام الاختراع

فأنا اخترعت طريقه وخليتها تعطيني كل حلوياتها وهي راضيه ....

اسمعوا الحوار اللي كان يدور بيننا يوميأ

وينتهي ببكاء مرير من قبل اختي الغبيه ::

انا ياحراااام :: تكفين عطيني من حلوياتك لو حلاوه وحده .

اختي البخيله ::لااااااااا والله أنا مالي دخل فيك !!!

من قال لك تأكلين حلوياتك كلها بالمدرسه .

انا ياحرااام ::::طيب وش رأيك نلعب كأني انا بنتك

وانتي امي !!!!!!

أختي البخيله :::: يالله نلعب

(( الضعيفه بتموت من الفرحه تحب تكون الأم في اللعب ))

أنا ياحرام :::ياماما ياا ماما انا بموت من الجوع ابي أكل

حلااااااااو

اختي البخيله :::: طيب ياعمري يالله هالحين اجهز لك الغداء

(( تقوم المسكينه تحط كل حلوياتها في صحون عشان نندمج في المسلسل ))

انا ياحرام :::

ويبدأ دوري انا عاد ...... و أضف حلوياااااات اختي وآكلها كلها وما أبقي لها ولا فتفوته !!!!

وهي سعيده ومبسووووووطه لأن بنتها في الللعب قاعده تتغدى

نيهاهاهاهاهاهاهاهاها

طبعا خلصت الحلويات وتمت المهمه بحمد الله وش اسوي انا هنا ؟؟؟؟؟؟؟

أنا مو ياحراااام :::: تراي مليت من اللعب معك ...... اللعب معك ممل

..... خلاص بطلت ماني لااااااعبه !!!!

اختي المصدومه :::: ليه تأكلين حلوويااااااااتي

والله اعلم امي عليك

انا مو ياحرام ::::: نيهاهاهاهاهاهاهاها علمي جدتي ان بغيتي ولا يردك الا

لسانك .

اللي يلفت النظر اني كل يوم اسوي فيها هالمقلب !!!!

وكل يوم تصدق اني بكمل اللعبه!!!!!!!! وكل يوم تصيح المسكينه !!!!!!

______________________________ ______________________

الموقف الثاني:::::::::

هالمره كنت كبيره في ثالث ثانوي واختي اللي قلت لكم عنها كانت في اول ثانوي...

المهم تسألني عن معاني كلمات انجليزيه وانا طبعا ماكذبت خبر لازم العب عليها ..

لكن هالمره نسيت اعلم اختي اني العب عليها!!!!!!!

والمسكينه تفشلت بسببي في المدرسه واكلت ترااااااااب عند المعلمه والسبب انا طبعا

اسمعوا الحوار التالي //////

الاخت المسكينه ::::: يا ام راس وسيفين

(( يقال لي تمويه عشان ماتتسرب معلومات شخصيه عني ))

وش معني كلمه (منديل) بالانجليزي >>>> اختي كانت تبي معاني الكلمات

عشان تترزز بهن عند المعلمه في المدرسه .

ام راس وسيفين ::::: واخزياااااه بس .....

ماتعرفين معنى (منديل )بالانجلش ؟!؟!؟!

سهله مره منديل = Mndl (مندل )

وتقوم المسكينه وتكتب مندل في الكتاب

الاخت المسكينه ::::: طيب وش معنى كلمه

(فنجال) بالانجلش ؟؟؟؟؟

ام راس وسيفين ::::: باسيييييييييطه وسهله ....... Fngl(فنجل )

انا نسيت اعلمها اني العب عليها

والمسكينه اليوم الثاني تروح للمعلمه وعلى بالها( ترطن انجليزي )

وتقوم وتحط ( فنجل ومندل ) في جمله انجليزيه .....

معلمتها ماتت من الضحك وعلمتها الكلمات الصحيحه

والبنات بالفصل يدربووون روسهم مايدرون وش السالفه
__________________________

نجي للمفيد يا حلوين وياحلوات المطلوب من كل واحد ووحده فيكم تقول لنا موقف من المواقف

اللي كان او كانت فيها شريره والمقالب اللي سوتها للناس

..... ومن هالحين اقول لكم كل واحده فيها حقها لاتقعدون

تقولون انكم ضحايا .......ياحرااااااام

واني انا وامثالي ذئاب بشريه

[أغراب]

هلا وغلا بك يا مشاعل وتو ما نور المنتدى.

موقف شرير.. لا اله الا الله مره وحده ...

يومني صغيرونه ثالثه ابتدائي طقوني بنات جيرانا بالمدرسه وسحبوني مع شعري لاني انقبلت بكشافة المدرسه وهم لا..

رديت للبيت وعلمت جدتي أم أبوي الله يرحمها .. وخليتها تنتظرني اليوم الثاني عند الباب الظهر عشان تطقهم ..

شافوها وطقوا هم بلحالهم ...


ولي عوده ..

[الحظ جـابكـ]

متوحشه انتي مشاعل هههههههههه

انا عندي موقف شرير هي هي هي هي>>ضحكة شريره هههههه

اذكر مره لمن كنت بثانيه ثنوي كان في مدرس يكره شي اسمه المان الي

هو انا المهم

كان فيه واحد جاسوس الأداره حاطه وكيلنا بصفنا عشان صفنا كان ازبل

صف في المدرسه ههههههههههههههه

مهم اتفقنا انا ويا ثمانيه من خوياي نزلغ الجاسوس والمدرس يكتب

وأخذ صمغ وادووووووووح مدرس في راسه واجيكم انا من طقة يكتب هههههههههههههههه

ويتلفت منو الي عمل هيييييييك الواطي !!!!! كلنا اشرنا على الجاسوس ههههههههههههههه

وذاك قعد يبيكي يقوووول مو انا العجمان هم الي حذفوا عليك ههههههه

ولاهنتي على مواقف شريره هههههههه

[فيصل أل هتلان]

ههههههههههههههههههههههههه


لاهنتي يامشاعل على المشااكسة الحلوه


ولي عــوده بعلمكم بمواقفي


تحياتي

[سعود الفيصل]

المواقف الشريره كثيره
بس اللي اذكره انه امس احد الاعضاء
قط بدليه قووووويه حيييل وما تترقع
ولا اقدر اقولها لانها تجرح الحياء
وطبعاً اهو يعرف نفسه عدل هههه
المهم يووووم قلتله انت قاط بدليه قويه
وحسيت انه جا بيعدلها رحت ونسختها عندي وفضحته
ولي الحين وهو زعلان مني لاني فضيحه
ههههههههههههههههههههههههههههه
ويسلموووووو مشمش على الموضوع الجميل
ولي عوده

[ملكعه بس غير]

وش هالموضوع الرجه تسلمين عليه يالشريره مشاعل :D
طبعا المواقف اللي كذا بحياتي عدي وخربطي
بس اسمعي السالفه اللي لليوم كل مااذكرها تكسر خاطري البنت
ايام الغزو كنا في بيتنا في احد مناطق السعوديه وكانو جيراننا السعوديين حاكرين على بزرانهم خصوووصا بناتهم مايطلعون للشارع ابد
بس حنا العكس كنا فري << بزران وشو فري بعد ههههههههههه
الوكاد انه لاجا الصبح نجي لهم ونحايل بالبنات يلعبون معنا بالشارع وهن مسيكينات يخافون من ابوهم وعمانهم بس بالاخير يطلعن يلعبن معنا بالشارع ويرجعون للبيت قبل يجون رياجيلهم
مالش بالطويله يوم من الايام نلعب بشجره قدام بابنا << قرود موبزران
انا كنت اكبرهم عاد قلت للبنت انتي اول << نجرب اللعبه فيها آمنه او لا
تعلقت البنيه وقعدت ادفها انا واختي المصون عاد البنت قامت تصيح بس خلاص وقفووو قامت اختي وقفت انا مدري وش جاني الوكاد ماوقفت والبنت تصيح وانا ادفها بقووووه الين طاحت من الشجره يوم طاحت عينش ماتشوفش الا النووور نحشت انا واختي داخل البيت ونصفق الباب وهي تفحط تحت الشجره ولاعلمنا احد
يوم جا الليل الا بابنا يطق وتطلع امي الا هي ام البنيه ومعها بنتها ونطل انا واختي من ورى الباب الا البنت مجبسه اثرها المسكينه انكسرت ايدها وامها جايه تقول السالفه لامي بس تقول ماقلنا لابوها انها تلعب بالشارع ولا بناتكم اللي كسروها قلنا طاحت من الدرج << والله انهم اجواد ربي
عاد مايحتاج اقول لكم وش صار عقب ماراحت الحرمه اسرار عائليه << تكفييييييييييين ماكنها تكفخت :D
وهذا غيض من فيض لي عوده انشاءالله :D

[ملكعه بس غير]

رجعت جاز لي موضوعش مشاعل مع اني مااشوف احد شارك غير القليل
بس ذكرت سالفه من طفولتي السعيده قلت اجي اسردها هنا :D
هو انا كنت فيها شريره بس من غير قصد يعني نيتي كانت صافيه
هذا طال عمرش كانو جيراننا حضر قبل نطفشهم ونخليهم يشدون ونشتري بيتهم
كان عمري تقريبا 12 بس كنت للحين العب بالبراحه والشوارع < ياكبر من لعب :D
المهم جيراننا الحضر جا يوم ووخذو ولدهم وحلقوه ولدهم بزر ابو 5 سنين او ست يوم جا الولد واشوفه انا وخواتي ومستغربين شعره اول مره نشوف هالتحليقه متعودين على اخواننا وابي وعماني يحلقون عادي ماعمرنا شفنا قصه وتسريحه المهم ونجي لاخته واقول لها انا وبكل فخر يابلفيت اني صايدتهم
الحمدلله ملبسين حمود باروكه << يلعن ام البدو اللي هيييك ياشييييخ :D "" حمود البزر المقرود " قالت اخته لاااااااا مو بااروكه محلقييينه مارييينز
عاد انا ماادري وش المارينز وكنت من جدي احسبه لابس باروكه
واتحالف انا والبنت الا باروكه الا موباروكه
اخر شي عصبت البنت قامت تشوشه "" تشد شعر اخيها لغير الناطقين بالعربيه :D "" وانا للحين مصره انها باارووكه قلت خليني انا اللي بشوشه
وامسك حمود واقعد اشد شعره بكل قووتي لأني مقتنعه انه لابس باروكه والبزر فااحط واخته نعووومه بس خلاااص وانا اشوووش البزر وعقب الشين اقتنعت ان هذا شعره مو باروكه وماهديته الا وهو فاحط من البكى كعادتنا معهم ...
وسلامتكم :D

[فهيد الكفيف]

:embarasse ههههههههههههههههههههههههههههههه والله انكم رجههههههههه ودجهههههههههه مع تحياتي لكم....مالي مواقف أنا طيب مو شرير ههههههههههههههههههههههههه