دق الجوال ...تقريبا الساعه 2.34صباحا ..وكان على اختبار..بختصار ان الرجل هذا غلطان وكنت متضايق من هالاختبار ..واول ماشفت الرقم غريب ..حبيت اسوى نفسي انى اعرفه ...والمشكله ماتجيك الاتصالات الا اذا عليك اختبارات .......عوذا عوذا من هالاختبارات ملعونة الجدف ............وهذا الرجل مسكين غلط باخر رقم من جوالي ..والظاهر صوتي يشبه صوت صديقه والا يستهبل صاحبنا ...ومابغى احرق عليكم الفقره.......
<<<<<<<<<<<<<< وربي على نياته
------------------------------------------------------------
انا : يامرحبا ترحيبتن تسبق الخيل ...يامرحبا ترحيبة الويلان للضيفان
هو: هلا فيك..كيفك؟
انا: الله يسلمك ويخليك وبيت مكه يوديك ....عسا ماشر وش فيه صوتك هيتس(كذا)
هو:انا تعبان ومريض ..وماقدر اتكلم احس صوتي بالكاد يطلع
انا :لبا حناجرك والله( متاثر بصديقي العجمي)...الوعد باتسر(غدا) بمستشفى التخصصي بشلع حناجري واهديك اياها
هو:خلاص ..الوعد بكرا
انا (بيني وبين نفسي): لعنبو بليسه ماصدق خبر
هو :الو ..الو...الو...
انا :هلا والله معليش كنت اشرب مي(بفتح الميم وتفخيمها وسكون الياء يعنى مويه) ...اى وش قلت..؟
هو:سلامتك......(كان متضايق)
انا: سلامتك دايمه ياطويل العمر..........(صرّفت الموضوع...اسوي روحي ماسمعه)
هو:المهم..
انا(خشيت بعينه): طيب مانبغى المهم عطنا الاهم..
هو:ودي اشوفك....؟
انا: والسبب؟( مستغرب منه وش يبي فينا ومن متى المعرفه)
هو:خايف لااموت...
انا :موتت جدي اللى راح ولارجع...
هو(بحنان ودلع): ليه حرام عليك ...ليه انت قاسي..
انا: لانك ناسي
هو:ناسي ايش...
انا:الجريش
هو: جريش !....جريش ايش؟؟.....(افلقني اذا ماهو مقزرها فول ومعصوب)
انا :هذا ياطويل حليب خلفات بس بلهجه ثانيه
هو:وش فيك انت ..شنهو حليب خلفات
انا:هذا سيم سيم حليب بوني بس ماخوذ من ديس ناقه
هو:وش فيك مافهمت الاوله تبغاني افهم الثانيه ؟؟
انا: اقول الظاهر اتكلم بنغالي انا ؟
هو: ههههههههههه انت تتكلم وانت نايم ع السرير
انا:لايالغالي من الضمير
هو:اى ضمير..؟انت عندك ضمير
انا :عندي ضمير مستتر بين الحنايا ..بس للاسف ماقدرت تعربه صح
هو:انا كسلان بالنحو
انا:اجل بس شاطر بالصرف...تصرّف الى يحبونك
هو: هاهاهاهاهاها...........ضحكه صفرا............(فديت هالضحكه اللى تخفس بمشاعري)
انا:اضحك...محد يقدر يمنعك...مالومك ....مايحس بالنار الا واطيها.(يعنى رومانسي)
هو:شفت شلون قدرت اكسر شوكتك
انا:صدقنى ماتقدر..هذى احلام يقظه انت عايش بها
هو:ياشيخ انا الاسد اللى اكلتك لحم ورميتك عظم
انا: اذا انت الاسد انا التاج اللى على راسك
هو:انا الوحش اللى كسر ظهرك..
انا:اذا انت الوحش انا الظلام اللى تعيش فيه ..........(وهذى قصيده كتبتها فيه بنزلها انشالله)
هو:يعني مصمم انى ماقدرت اهزمك....
انا: انا مصمم لاني انا اللى صممت مشاعرك واحاسيسك
هو:انت منو؟
انا:رجب ابن حنفى ال شحته
هو:انت تستهبل...
انا:لا ..احاول ..استخف دمي
هو:الظاهر اني غلطان بالرقم ....
انا:معك حق..يامريض باشا
هو:اى والله انى مريض...
انا:توك تدري
هو: ههههههههههههههههههههههههههههه معليش انا غلطان بالرقم ...انا اسف وحقك على ...
انا: عادي تحصل بارقى العوايل
هو: طيب اجل ليه عطيتني وجه.....وماقلتلى ان النمره غلط
انا:ضايقن صدري وسهران على اختبار بكرا ..وجاني هالرقم الغريب وقلت وشفت اسلوبك ببدايه المكالمه وضنيت انك مثلي طفشان
هو: الله يوفقك...بس من جد انا مااتستهبل ..وفعلا انا مريضه ..وكنت اباتصل على صديقي ..لا لا اخوي(عاش مصرّف)
انا:كلنا اخوان بالاسلام وانت ماتصلت الا على اخوك (عاش مضبّط)
هو:الله يوفقك ومعليش طولت عليك ...وادعيلي بالشفا
انا:الله يشافيييييك ويعافيك
هو: يالله فمان الله
انا: حياك الله
هو:اقولك فمان الله
انا: وش رايك تبغين ارقص لك على وحده ونص....قلنا حياك الله
هو: والله انك مصرقع
انا: مشكور ياذوق...يالله فمان الله ........(مسوي ثقيل )
هو:هههههههههههههههههههههههههه الله يستر عليك
انا:وعليك انشالله
هو:باي
انا:باى
وانتهت هذى المكالمه اللى جائتني الساعه 2.34 دقيقه صباحا
وكتبت هالابيات :
يافلان ياللى ساهرن بالليالي........ارفق على اللى ساهرن باختبارات
صوتك يلبي مطلبي بالغوالي....وضحكك دفا عمري ونور المسافات
اطلب من الله فى عتيم الليالي...انه يشافي فلان كل الجميلات
*طبعا الشخص ماذكرلي اسمه*
(خااااااااااااااااااااااااااااااااااااااااااص جدااااااااااااااااااااااااااااااا)
(غـــــــ الروح ــــــــريــــب)
تنويه :
هذى المكالمه تمتاز بخفه الدم ....والترويح عن النفس ..وحبيت اضعها بالمنتدى
وحبيت تكون السالفه شرح لمعنى القصيده ..علشان الواحد مايقرا القصيده ومايفهم وش السالفه.....
والحقوووووق محفوظه
11-05-2005, 10:59 PM
مــــكـــالـــمـة تـــالي اللــــيل.........خاص جدا
] 
العرض العادي
