" بسم الله الرحمن الرحيم "
السلام عليكم ورحمة الله وبركاته...
انقل لكم هذي الرديه بين الشاعر راشد القنــاص وشاعــرنــا الملك محمد بن الذيب
الصــــوت:
ليتك تشوف الحال يالذيـب وشفيـه = بالثانيـه ينـلاع ستـيـن لـوعـه
في كل لوعه يظهر القلـب خافيـه= على فراق اللـي حسينـه طبوعـه
مسكين قلبي كـل شـي(ن) يعنّيـه = كل ما ذكر خلـه تهامـل دموعـه
غيره من الخفـرات مابيـه مابيـه = وليا حصل لي صرت بامره وطوعه
عزي لمن مثلـي همومـه تباريـه = من كثر حزن القلب ترجف ضلوعه
شربت انا الحرمان مـره وحاليـه= وذقت القهر والهم من كـل نوعـه
جرحي عميق ولا حصل من يداويه = ونفسي جزت مما جرالي جزوعـه
لا وعذاب الحـال كثـرة بلاويـه = من عقب فرقا الزين نفسي فجوعـه
يا مسندي بانخـاك باللـي اشاكيـه = يا فزعة اللي صرت له من ربوعه
افزع وجفد مـن تلاشـت هقاويـه = عليه جار الوقت.. طفـا شموعـه
الصــدى:
يدعيني القناص مـن بُعـد واجيـه = اجيه قرناس(ن) على أول اطلوعه
واقول يـا حيـه وياحـي طاريـه = قنوع واحـب الرجـال القنوعـه
ترى على اسبيع العزيزه مشاريـه = خذت سنام الشعر واغنمت كوعـه
ياللي شكيت من الهوى وانت راعيه= لا زاع قلبك بين الأضلاع زوعـه
ماني ابقيس ابن الملوح ولا اخيـه = لكن باخضع والمشاعر خضوعـه
عادٍ هموم البيه تصعب على البيـه = انا علـى شانـك ابافـوع فوعـه
لا صار لك خل(ن) تعزه وتغليـه = جماله امسكـت ومنطقـة روعـه
أما عطاك أمن الغلا وانت تعطيـه = ولا العوض ما يغني من القنوعـه
لوجيت ابوصيك بالصبر ووصيـه = الصبر مـا فـاد الفقيـر فجوعـه
وادي لا سال السيل ما جاء مراويه = اخيـر للبـدوان منـه النجـوعـه
هاذي اعلوم العجمي وذي مباديـه= على حسب شف السبيعي وطوعـه
*وللعلم هاتان القصيدتان كتبتا قبل ما يقارب اربعة عشر عاما ً..!!
% المصـــدر %
ملتقى الشعراء اعداد الشاعر: مهدي العجمي
03-11-2006, 07:35 PM
صــوت وصــدى بين الشاعر راشد القناص وهتــلر الشــعر محمد بن الذيب.
العرض العادي
المواضيع المتشابهه
