يا بنت أنا لاغبت ما هو من الضيق.. شيلة من كلمات سعد براك وأداء متعب الفهادي

[عبدالله آل عامر]

بسم الله الرحمن الرحيم
:
أسعد الله أوقاتكم اخواني وأخواتي مرتادي مجالس قبيلة العجمان بكل خير
:
أقدم لكم شيلة من كلمات الشاعر: سعد براك
:
وهي بصوت المبدع: متعب الفهادي
:
أتمنى تعجبكم وترضيكم؛؛؛
:

يا بنت أنا لاغبت ما هو من الضيق=خلّي علوم أهل الهـروج الكذوبـة
في لازمـي والله ولـيّ المخاليـق=والرجل ملزومٍ يكمـل دروبـه
العمر فرصـة و الليالـي توافيـق=والوقت يجري والسنين محسوبة
رجلٍ يبي يرقى لروس الشواهيق=ما قال عن درب المكاسيـب توبـة
يثبت ويرسي مثل ما يثبت طويـق=و يعلّي البنيـان طوبـة وطوبـة
ترى قلوب الناس مثل الصناديـق=مفتاحها هرج اللسـان إن حكوا بـه
لو باحت صدور الرجال المغاليـق=أسرارها صارت عليهـم عقوبـة
كم واحدٍ يصبرعلى نشفة الريـق؟=من شيمتـه رفاقتـه مـا دروا بـه
يدرى خماله عن هروج المطافيـق=والآدمي ما يستـره غيـر ثوبـه
والشعر يا بنت النشامـا مواثيـق=سمعة وقيمة وابتكار وعذوبـة
وأنا قصيدي ما دخل بـه تلافيـق=أنقاه عن درب الخطـا والمعوبـة
لو إني أبحث عن قصيد العشاشيق=حطيت لي فـي كـل دار محبوبـة
لكني أبحث عن جـزال الطواريـق=أم المعانـي حبكهـا بالصعـوبـة
شومي قصيد مدوريـن الغرانيـق=وأخذي قصيد اللي ربوعه هقوا بـه
كلمة ولا تحتاج شـرحٍ وتعليـق=والعلم ما ينعـاد عشريـن نوبـة
إن كان عيبـي خوتـي للمطاليـق=تراي رجلٍ يفتخـر فـي عيوبـه

:

:
للتحميل اضغط هنا
:
تقبلوا تحياتي وتقديري؛؛؛
:

[EmpeRoR]

العمر فرصة و الليالـي توافيـق
والوقت يجري والسنين محسوبـة





روووعه..

صح ذووقك ويعطيك الف عافية..


هناا..

[عبدالله آل عامر]

صح بدنك والله يعافيك ويسلمك يا أمبراطورنا
:

[ثامر الشميعان]

لا هنت
شـكــ وبارك الله فيك ـــرا لك ... لك مني أجمل تحية .

[عبدالله آل عامر]

العفو ولا ندمت يا ثامر الشميعان
:

[king الوادي king]

عبدالله لاهنت على مانقلت

عسا تسلم يمناك على النقل الطيب

لاهنت على كل حال

[عبدالله آل عامر]

لاندمت ولا عدمناك يا كنق الوادي
:

[ناثرة الورد]

{{ عبدالله ال عـامر }}

,
,

يعطيكـ الف عافيه علي هالاختيار المميز
آآبداع غير مستغرب منكـ
دمـت بهذا الرقي

تقديري ..,

[ابو سالم المصراني]

اخوي عبدالله الله يعطيك العافية على النقل المميز

[عذاااب]

الله يعطيك العافيه خيووو

الله يعطيك العافيه