بندر العجمي أو من ينوب عنه...؟

[سعد المليحيق]

صح الله لسانتكم

[هادي بن فهاد]

عفاس ياربعنا مصيود مصيود = يبغى يتحايل على راع الحيالات
واصحيبي اللي يبيك اتوزن الفود = لكن عفاس يحسب ضمن الاموات

[عفاس]

الفود سرت يا هادي

واستلم


شاعر وبرقى على طويق وازود = والشعر يا هادي ترا له مقامات

حنى نبي نلعب على خدودك السود = حلقك يا هادي يباله ترا قــــات

[هادي بن فهاد]

انصحك ياذيب لاتعوي تجيك الفهود=لاتحسب انك محاصرني بالربع جهات
حنا ترانا بخير ومحتمين السدود= لا والله الى بزيد لك السم جرعات

[عفاس]

يا سعود بلغ هادي أرجوك يا سعود = قله ترا قافك من اليوم دجات

ويشهد على قولي شاهد ومشهود = والملعبه تاتي واللعب زلات

[هادي بن فهاد]

مجلود في ذمتي ذاليوم مجلود= بجلدك لين العيون اتهل دمعات
البيت لاتهدمه دامك بنيت العمود= مايصلح البني من دون الأساسات

[عفاس]

أذن وحنى يا هادي ترا قعود = والبيت ما يبنى بليا شناجات
خلك على الخط والخط ممدود = يشملبك الخط يا هادي شمالات

[king الوادي king]

الله الله لاهنتو كلكم على كل حال اللي جاء ينوب وغيره وجعلكم تسلمون كلكم

[نفل بن فهد]

صح السنتكم
واوزانكم فيها خلللللل

[بندر العجمي]

صح الله لسانكم والله لايشينكم



وقالها الاخ حزين القوافي ونقولها بيوتكم فيها كسور ياشباب



وهذا اللي ماخلاني ارد على بيوتك الاوله ياعفاس ولا والله لي الشرف بمجاراتك




والله لايشينكم وشكرااااااااااا لكم