( أستاذنك يا خاطري ) و ( التجافي ) شيلتين رائعة للشاعر: سلمان الميزاني

[عبدالله آل عامر]

بسم الله الرحمن الرحيم
:
أسعد الله أوقاتكم بكل خير اخواني وأخواتي مرتادي مجالس قبيلة العجمان
:
أقدم لكم في هذا الموضوع شيلتين رائعة من كلمات الشاعر: سلمان الميزاني
:
وبصوته كذلك.. راجياً من الله أن تحوز على رضاكم واعجابكم
:
شيلة: أستاذنك يا خاطري
:

:
للتحميل اضغط هنا
:

لا خير في رجلٍ قصـارٍ شبوحـه=ولا خير في سيفٍ نثـر دم راعيـه
ما جيت أبي مد اليدين الشحوحـة=ولا جيت ضامي في رجاء الغير يسقيه
سرتني أقدار الليالـي اللحوحـة=لو كان مسراي على شـي ما أبيـه
والهم وطعون الزمان وجروحـه=تجمعت في خافقي وسكنت فيـه
واللي غموضه يختلف عن وضوحه=أجبرني أركب مركب التيه وأتيـه
أستاذنـك يا خاطـري والسموحـة=لا عاد تلحقنـي مـلام ومشاريـه
سري وسرك لازم إنّـا نبوحـه=ونودعـه توديـع غالـي لغاليـه
لو إن دمعات الموادع فضوحه=تطري علي البعد وأنا ما أدانيه
لكن يا سرٍّ توفّى طموحه=نقلك يعذبني ولاني بقاويه
ركزت في صدري سهوم ذبوحه=وعلمتني في شي ماني بناسيه

:
:
شيلة: التجافي
:

:
للتحميل اضغط هنا
:

وش ذنب قلب اللـي يـودك ويغليـك؟!=لا صـار ما بيـن الوهـم والحقيـقـة
مـدري يوقـف مـعـك ولا يخلـيـك؟=عجزت ألاقي لـك أسلـوب وطريقـة
البارحـة ليلـي قضـى فـي تحرّيـك=لين أشرقت شمـس الصبـاح الشريقـة
وأنا أصنع الأعذار وأعذرك وأعفيك=وأقـول دمحات رفيـق لرفيـقـه
لين أنكشف لـي كـل سـرك وخافيـك=اللـي مـا يرضـاه العشيـق لعشيقـه
تبغاني لا من رحـت و أقفيـت أناديـك=الله ولا ذل الـنـفـوس الـعـريـقـة
إن جيت .. لك فالقلب عرشك وكرسيك=وإن رحت .. مثلك مثل باقـي الخليقـة
لأنـي تعلمـت القسـى مـن تغلـيـك=يومـي علـى لامـاك نفسـي شفيقـة

:
تقبلوا تحياتي واحترامي
:

[هادي بن فهاد]

الله الله

تسلم ياعبدالله ال عامر تسلم

والله متجيب الى الشيلات الزينه لاهنت

[هادي بن فهاد]

شيلة: أستاذنك يا خاطري لاهنت يابو سراج

[عبدالله آل عامر]

الله يسلمك يا هادي وتسلم على تواجدك وتشريفك الدائم
:

[الغروب]

عبدالله آل عامر

اشكرك على تقديم هذه الشيلات المميزة

تقديري.

[عبدالله آل عامر]

العفو أختي الغروب وتسلمين على تشريفش الراقي
:

[فيصل العجمي]

تسلم يمينك يا عبدالله...

وبإنتظار جديدك يا الشيخ...

[قآيدة الغزلآن]

تبغاني لا من رحت و أقفيـت أناديـك الله ولا ذل الـنـفـوس العـريـقـة
إن جيت .. لك فالقلب عرشك وكرسيك وإن رحت .. مثلك مثل باقي الخليقـة
لأنـي تعلمـت القسـى مـن تغليـك يومـي علـى لامـاك نفسـي شفيقـة




الله الله


صح لسسآن كآتبهـآ

ولآهنت على هآلشيـلآت


وبيض الله وجهك ..

[عبدالله آل عامر]

الله يسلمكم ووجيهكم بيض على تشريفكم ومشاركاتكم
:

[نجلا قحطان]

تسلم يديك أخوي عبدالله
الله يعطيك العافيه
على المجهود القيم
تحياتي
نجلا