ياصاحبي طالبك خلّني بــ حالي.................

[الشيهانة]

ياصاحبي طالبك خلّني بــ حالي=ما أبي "أضيــّــق خاطرك" وإنت مرتاح
ياصاحبي وإن غبت عنك " ليالي " =غلاك باقي بــ الحنايا ولا راح
تبي أسولف لك ، وش إللي جرالي ؟؟=أخاف يمسح قولنا الصبـــح لا لاح
أجل تعال أجلس هنيـّـا قبــالي=دام الحطب طاح وكثير العتب طاح
لو كل شخص إليا عطيته وفالي=ماكان بــ الدنيا حزن ليل وجراح
ولو كل غالي قدّر إحساس غالي=ماشفت ذاك الدمع من محجره ســاح
ولو كل قلب من الحسد جاك خالي=مايشتكي من شحّ الأمطار فــــلاّح
ولو كل واحد جاك طبعه مثـــالي=ماكان بــ الدنيا سجن ناس وإصلاح
ولولا الذنوب اللي بـ كبر الجبالي=ماكان جيش الكفر لــ بلادنا إجتـــاح
ولو الردي يعرف شــ معنى عيالي=ماقطّ أبوه بـــ دار الآلآم يـــــــا صاح
هذا بعض حزن السنين التوالي=طير الحزن مبطي على خافقي ناح
ما أقول إن الخير ماله مجالي=لآ والذي يفلق من الليل الإصبــــاح
لكن هنا بعض الألم ياحلالي=وأنا أدري إن العود يوم أحترق فاح
أول أقول إني صبور وشمالي=واليوم لآ والله أنفجر سدّي وبـــاح
ماقلت لك ياذيب خلّني بـ حالي =هذا أنت ضقت وأذكرك جيت مرتاح

وسلامتكم0015

[شيخة الغلا]

صح نقلك يالشيهانه

دائما متميزه بإختياراتك

صح لسان شاعرها

ولاهنتي يالغاليه

[الغروب]

ما أقول إن الخير ماله مجالي
لآ والذي يفلق من الليل الإصبــــاح

الشيهــــــــانه

امتعتينا بما شرفتينا به هنـــــــــا

شكري وتقديري

[سعود الخويطري]

الشيهانه



صح الله لسانك وصح لسان شاعرها




وشكرا لك على القصيده الطيبه وتسلم يمناك ،،،،