‘‘‘( الدلـــــــه )‘‘‘

[ابراهيم آل ربوع]

السلام عليكم ..

عرق الضرم علته من صافي الدله=ماهي بخرمة هل الدخان والشيشه
ياريحة الهيل .. راسي علته عله=عجزت الاقي دواه .. وعفت ذالعيشه
ماكني الا مريض ٍ صابته خله=من دونها ,, يفصل العداد عن فيشه
او كني اللي عثر (ثم طاح في شله)=واصبح من اجل المزاج يوازن الريشه
مدمن غلاها .. ولا اطيق الهجر .. لله=وفكري على بعدها يزداد تشويشه
ان شفتها ،, قلت (مرحب..حي ذ الطله)=أعشق شذاها.. عصير وكل تغبيشه
عز الله انها تحلّت بالحلا كله=ماينقص الا (قدوع ٍ من تمر بيشه)
هي سجتي..هي دوا راسي وهي خله=تجلى خوى الراس ثم تعطيه تنعيشه
يازين مجلاسها ،،والكيف في حله=معا وجيه ٍ سفرها فيه تبشيشه
ماتعرف الكركره .. والطيش .. والفله=ولا تعرف الحقد .. والتغميز .. والتيشه
ناس ٍ تعرف الحقوق ..وتدمح الزله=والبن الاشقر .. تقدّر فوح تغشيشه
خوة نشاماً لها في النايفه مله=تحويشة العمر .. لو للعمر تحويشه
ويازين مجلاسها في ساحة الفله=معا وليف الهوى .. لبى خراطيشه
ابو العيون الوسيعه .. والخشم سله=ليا انكشف برقعه .. غنّت دناديشه
اللي على شوفته .. كني على مله=أضرم على جوّه الفتان وآعيشه
هذا قناد الضرم .. لا قرّب الدله=ماهي بجلسة الدخان والشيشه

وسلامتكم


فائق الاحترام ..

ابراهيم آل ربوع

[سقام]

وين بيتك يابن ربوع تسلم على القصيده الجزله يابن العم

[حبيب]

المشاركة الأصلية كتبت بواسطة ابراهيم آل ربوع

السلام عليكم ..

عرق الضرم علته من صافي الدله=ماهي بخرمة هل الدخان والشيشه
ياريحة الهيل .. راسي علته عله=عجزت الاقي دواه .. وعفت ذالعيشه
ماكني الا مريض ٍ صابته خله=من دونها ,, يفصل العداد عن فيشه
او كني اللي عثر (ثم طاح في شله)=واصبح من اجل المزاج يوازن الريشه
مدمن غلاها .. ولا اطيق الهجر .. لله=وفكري على بعدها يزداد تشويشه
ان شفتها ،, قلت (مرحب..حي ذ الطله)=أعشق شذاها.. عصير وكل تغبيشه
عز الله انها تحلّت بالحلا كله=ماينقص الا (قدوع ٍ من تمر بيشه)
هي سجتي..هي دوا راسي وهي خله=تجلى خوى الراس ثم تعطيه تنعيشه
يازين مجلاسها ،،والكيف في حله=معا وجيه ٍ سفرها فيه تبشيشه
ماتعرف الكركره .. والطيش .. والفله=ولا تعرف الحقد .. والتغميز .. والتيشه
ناس ٍ تعرف الحقوق ..وتدمح الزله=والبن الاشقر .. تقدّر فوح تغشيشه
خوة نشاماً لها في النايفه مله=تحويشة العمر .. لو للعمر تحويشه
ويازين مجلاسها في ساحة الفله=معا وليف الهوى .. لبى خراطيشه
ابو العيون الوسيعه .. والخشم سله=ليا انكشف برقعه .. غنّت دناديشه
اللي على شوفته .. كني على مله=أضرم على جوّه الفتان وآعيشه
هذا قناد الضرم .. لا قرّب الدله=ماهي بجلسة الدخان والشيشه

وسلامتكم


فائق الاحترام ..

ابراهيم آل ربوع

الاخ براهيم صح السانك مليوووووووووون ولايكفون


قصيده جزله يالسنافي من جزل...

سجل اعجابي ولاتحرمنا من جديدك

تحياتي

[العوووود]

الاخ ا براهيم

صـــح اللســــانك ولاهنت يالســــنافي

تحياااااتي

[راشد الذويب]

.




.
صح الله لسانك وسلم هاجسك ياابراهيم
دمت بخير
.




.

[علي العرجاني]

صح لسانك يابراهيم

قصيدة جزله ننتظر جديدك

تقبل تحياتي

[أميرة نجد]

اللي على شوفته .. كنـي علـى ملـه
0000 أضـرم علـى جـوّه الفتـان وآعيشـه

هذا قنـاد الضـرم .. لا قـرّب الدلـه
00000 ماهـي بجلسـة الدخـان والشيـشـه

اي بالله صدقت وصح لسانك مليون

تقبل تحياتي

[سعود الخويطري]

صح الله لسانك


سلمت يابرهيم وسلم بوحك



تقبل سلامي واشواقي

الخويطري

[نواف اليامي]

تطوروا الناس خلو شربة الدلة
تحولوا الناس لدخان والشيشه
وشوف ابراهيم كنه متعبه خله
يوصف حلاها ولا ظنها تجي يمه
يبدل الحال ربك وطلب الجنه
وحبيت امزح على اللي معجبه خله