يــابــــــــــــــــووي

[أميرة نجد]

	يابوي ليتك حيّ وتشوف حالي 0000 تشوف وش هو صار من بعد فرقاك صار الوطن بعدك من الناس خالي 0000 صار... ( الوطن غربه ) بعد مافقدناك يابوي أنا بعدّك سهير الليالي 0000 مقهورمن دنيّاي منّا.... ومنّاك ! حدتني الدنيا وأنا راس مالي 0000إني ... عزيز النفس . مثلك وشرواك مافيه شيٍ في حياتي صفالي 0000 حتى . الورود . إن جيتها صارت أشواك أطيح واحمولي عليّه إثقالي 0000 وأتخيلك مديت لي كف , يمناك بعدّك ولامره ترى إرتاح بالي 0000 أصفّق على كفي ندم وآتحراك من ضيقتي ياكّم أصّدق خيالي 0000واقوم أدوّر عنّك وآقول ب القاك أضيع بالعالم وهمي سؤالي ؟ 0000 هو أنت ؟ وينك ؟ ليه ماعاد شفناك ؟ أدري لو إنك حي ياعز غالي 0000يمديك تفزع قبل.. ماجيك وانخاك !! ويلاه , ياحالي وماهو جرالي 0000 ويلاه , ياقلبٍ تعذب في طرياك ويلاه , يابويّه من اول وتالي 0000 لا...... والله.. أول.. كان.. ينجيني إدعاك واليوم من بعدك وش اللي بقالي 0000غير إني أدعي ربي يغفر خطاياك يالله حطّه وسط منزال عالي 0000 في جنة الفردوس يارب الافلاك واغفر ذنوبه ياعزيز الجلالي 0000 وشرح لي صدرٍ ضااااااق من جّور دنياك لشاعر / فهد الديحــــــــــــــانــــــي

تقبلوا تحياتي
أمـــــــيــــــــرة نــــــــجــــــــــد

[عبدالله الوعيلي]

صح الله لسانش يا اميرة نجد
ولسان شاعر القصيده


ارق التحايا
سلالالالالام

[أميرة نجد]

صح بدنك اخوي عبدالله

وسعدت جدا لتواجدك

لك مني ارق تحيه

اختك
أمـيـرة نـجـد

[العوووود]

أميرة نجد

صــــح اللســــانش ولســــان شااااعرهاااا ولاهنتي على النقل الطيب

تحيااااااتي

[عز ومهااابة]

صح السااااااااااااااااانش مليــــــــــــــــــــــــــــون ...

عز ومهااابة

[شيخ قحطان]

امـــيره نجــــــــــــــــــــــد

صح لسانك مليووووووووووووووووووووووووووووووووووووووووووون
لاعدمتك على النقل الجميل بكل جد انتى اميره على اسمك وعلى ذوقك الراقى
تقبلى منى اجمل تحيه

شيخ قحطان

[عاتبـــــــــــوها]

	صح لســـــــــانش اميره عيوني وصح لسان الشاعر بصــــراحه هالقصيده هيضت الكثير الكثير من المشاعر !!!! الكل منا يدري ان المـــوت حق وان النسيان من اكبر النعم.... بس جد يالغاليه فقــــــــد الابو صعب حيل .. مهما ضحكنا ومهما عشناا الحزن عليه موجود .. معليش غثيتش بردي واحلى صبــــــــــاح لش يالغلا ... عندمـــــــــــا …… اقف وحدي حزينه عندمـــــــــــا …… انثر دموعي حسره عندمـــــــــــا …… يتمزق قلبي المـــــا عندمـــــــــــا …… يرتجف جسدي خوفا احتـــاج الى وجودك دائمـــــــــــاا

[أميرة نجد]

مرحبا والله

بالعووود

تشرفت بطلتك والف شكر على الرد

دمت بخير

اختك
أمـيـرة نـجـد

[أميرة نجد]

هلا والله بالغاليه

عز ومهـــــــابه

اسعدني جدا تواجدك

وتقبلي تحياتي

اختك
أمـيـرة نـجـد

[أميرة نجد]

مراحب بالاخ

شيخ قحطان

سعدت بتواجدك احي العزيز وشكرا على الرد الطيب

دمت بخير

اختك
أمـيـرة نـجـد