بسم الله الرحمن الرحيم
هذه قصيده للشاعر : ناصر بن معجب الشامري .. وهي مروبعه ( اي على اربعة قوافي )
يقـــول
بسم الله البادي على كل ماكان = ربا علينا عم جوده والاحسان
أحمده واشكر له على كل ماكان = وارجيه يغفر لي ويمحى الخطيات
خلاف ذا في الكون كله تفكرت = عرفت باللي صار وادليت وانكرت
وذكرت اسم الله كثيرا وكبّرت = ولعنت منهو ساعد ابليس بالذات
اللي روع آمن الناس ياناس = يغويه شيطانه ويلبس له البـاس
مايدري انه بالخنى صار غطّاس = تفجير .. تخريب .. وقتل بريات
حنا هل التوحيد والحق حنا = حرام مانفّرط شبر في وطنا
واللي يضل الدرب مهوب منا = نحمي الوطن لا قال رب السموات
نمشي على درب النبي وافضل اصحاب = ماهمنا قولــة تعسف والارهاب
صرنا يدا وحده حضرنا والاعراب = عزيز حي وفي الشهاده ليا مات
حنا تحت حكم البطل يارجاجيل = يحكم بشرع الله جمله وتفصيل
يشهد له اللي شاف جيل بعد جيل = هداج تيماء حل كل الصعيبات
ومن صار فعل الشر شربه وزاده = خالف كتاب الله وأصل العباده
حرام قتل النفس بعد الشهاده = مايقرأ القرآن أحكام وآيات ؟؟!
أقول قول القول والقول قايل = يزول زول الزول والزول زايل
ياكود فعل الخير وطيب القبايل = رجال حق مثلكم في الصعيبات
قلته وانا عجمي مجرب ومعروف = والله عطانا العقل والسمع والشوف
وصـلاة ربي عد ماطايف يطوف = على النبي الهاشمي كل الاوقـات
وسلامتـــــــــكم