ياجر قلبـي جـر لـدن الغصونـي

[ذيبان قطر]

ياجر قلبـي جـر لـدن الغصونـي
وغصون سدر جرها السيل جرا

وأهله من أول بالـورق يورقونـي
على غدير تحتـه المـا يقـرا

على الـذي مشيـه تخـط بهونـي
والعصر من بين الفريقين مرا

لا والله اللي بالهـوى هوجرونـي
هجر بها الحيلات عيت تسـرا

لامبـعـد عنـهـم ولاقربـونـي
ولاعايف منهم ولانـي مـورا

وأكثر عذاب القلب يـوم سنحونـي
بيح بصبري لو بغيـت اتـدرا

لاضاق صدري قمت اباري الضعوني
كني غريب بالدلوهـة مضـرا

وقلبي عليه اشفق وتبكي عيونـي
والحال من ود الحبيـب تبـرا

ياعزتا لي مـن تفـرق شطونـي
يعزا لي ارمي بالسلب واتعـرا

ان مت فـي خـد بعيـد انقلونـي
على هدي الزمل مشيـه تـدرا

ان مت في دافي حشـاه ادفنونـي
في مستكن الروح ماهوب بـرا

بين النهـود وقـدّ روس القرونـي
عن الهبايـب مستكـن مـذرا

ياليتهـم بالحـب مـا ولعـونـي
كان ابعدوا عني بخير وشـرا

ولا انهـم يـوم انهـم قربـونـي
خلوني اقضي حاجتي واتـدرا

وياليتهم في الـدرب ماواجهونـي
وياليتهم مازادوا الحـر حـرا

وياليتهم عـن حاجتـي سايلونـي
يون اني اقعد عندهم واتحـرا

الخد بـرق فـي علـو المزونـي
تقول براق من الصيـف سـرا

وقفـت عنـده شابحـات عيونـي
كني غريـر باللهاوي مضـرا

الشاعر
دخيل الله بن مرضي الدجيما الروقي

من مختارات
ذيبان قطر

[سعود الخويطري]

ارحب ياذيبان قطر


وسلمت يمينك وقصيدة جزله ومن عيون الشعر


واسمحلي بنقلها لقسمها المختص ( الشعر المنقول )

[بحريني سنافي]

الللله على ذا القصييييييييييييييد ذيبان ابدعت
وهذي سامرررريه وشالوها كثار من المطربين

وتسلم لناااااااااا يا ذيبان

[ريـميـة الـعجمـاان]

يسلمووووووووو ذيبان
قصيده ولا اروع ثانكيو على النقل