على ديرت جهاز البوصله مجاراه جديده الشاعر عامر الحجرف وشاعر يام علي ابن بلال

[عامر الحجرف]

اخترت لكم من جديد المجاراه عسا ان يجد صداه من بينكم وتقبلو تحياتي وتحيات شاعر يام ابن بلال وسلامي للجميع من مرور وقرآء اخوكم الشاعر : عامر الحجرف

سلامي للرفيق اللي عرض رقمه على الجوال= وانا في زحمت التفكير وهجوســـــي مسريها
جـنوبيه وغـــربيه تتابع نشـــــرة الاحــــــوال= شـــــماليه وشـــــــــرقيه كفا الله شـــر تاليها
على ديرت جهاز البوصله خلف الجـبال اجـبال= ورا ذيك البحــــــورالهايجــــه واللـيل قــافيها
بســـــَّـَريها لشــاعــر يام دعـوانا غـثاها طــال= عسا الله لايقـــرب ســـاعتن نرمـــي ونعميها
ثلاث ايام اداورهــــا ولا عينت لــــي مدخــــال= مــــع ان ابليس قدامــي يبيع ويشـتري فيها
سحابت صيف ماتحيي لو ان العرق منها سـال= ولاتنبت لـــها ريفــن رياض العمــــر يحييها
لان الوقت غيرالوقت وفي قلوب العرب ســلال= بعضـــها ياكــل اجــنوبه لو اعـيونه مغطيها
وانا رجلن وعرف السوق مشري سلعت الدلال= ادورها مــــــع اللي لاشــــراها مــــا يطريها
يقدمها هــــديه وان عصـــــا ندفـــع كثير المال= على شـان الكــــــريم احيان يخجل ثم يغليها
على يمت هواء رجلي مسيري والرجال ارجـال= نظيف الثوب وعقالـــي على الغتره امحليها
ولاتبعــد ولاتقــــرب ولاتنزل لــــــــها مــــنزال= ومن يبحث لها موضــوع يبلش في معانيها

مجارات شاعر يام ابن بلال

الا يامرحــــــبا من شاعرن يشرب ولايهتال= قهـــــــاوي ناس وإلاناس مايشرب قهاويها
شربت الشعرحيث الشعربن وهيل صفرادلال= مثل بعض البيوت اللي لي الحجرف امقديها
احييها واقدرهـــــا واحيـي مكــــرم الهشــال= على سلم الرجـــــال اللـــي طويلاتن يمانيها
انا شاعـر امجـاراتي مـع الشاعـر من العقال= واقدر كل عراف العــــــرب واحاول ارضيها
واقدر كل غصـنن شـجــرته فيها ذرا وضلال= مثل روس العرب في حاضر الدنيا وماضيها
الا ياعامر الحجرف مراميعك عـراض اطوال= حســـــبت اربع جهــــــاتن كلها كنك تحاكيها
وانا مارحب الا محتســــي فوق القياد اعقال= اخــــــاف اتقول لي مانيب داري وين اوديها
وانا فالليله الخرســــــــــا دليله وبنهار اللال= اوردهـــا على هـــــداج ومن اقصا مضاميها
مثل منته اتوردها وتشــــرب والشراب ازلال= على وضـــــح النقا لابد ناخذهــــــا ونعطيها
ونصـــــحك عندنا مقبول لو النصـــح للجهال= وعن النصحــــان جهال العرب تنفخ علابيها
طبوع الناقصــــين من العرب ياريف الاحوال= بعضها والدمـــــي امحقنه حمـــــرن جنابيها
وانا وياك واحــــد لاحـــداني وان حداك الجال= عســـــــــا الله لايبدل عادتن من بيت اهـاليها
وعصر العولمه والبورصه والمحدثات اشكال= بما فيها الدمقراطيه اللــــي خــــاب ساعـيها
يشـيد الكفــر بحقوق المـــــــره ويذلل الرجال= صـــليبيه تولــــــع نارهــــــــــا والله يطفـيها
هذا واســلم ودم في منتها خمسة عشر فنجال= تخصك من هجوسن مايحوس الطين صافيها

[مسفر مبارك]

صح لسانك ولســان أبو سلطــان شاعرين لكلٍ منهمـا ثقلــه ........!

[سعيّد ابوجعشه]

عامر الحجرف صح السانك والسان ابن بلال على المجاراه الرائعه ولاهنتوا

وفي

انتظار جديك

[منصور الوذين المري]

الحجرف
صح السانك والسان الشعراء
لاهنت على النقل الممتع
وشكرا لك

[سعود الخويطري]

على ديرت جهاز البوصله خلف الجبال اجبال = ورا ذيـك البحورالهايجـه والليـل قافيـهـا
بسََّريها لشاعر يـام دعوانـا غثاهـا طـال = عسا الله لايقرب ساعتـن نرمـي ونعميهـا
ثلاث ايام اداورهـا ولا عينـت لـي مدخـال = مع ان ابليس قدامي يبيـع ويشتـري فيهـا

...
..
.

انا شاعر امجاراتي مع الشاعر من العقـال = واقدر كل عراف العرب واحـاول ارضيهـا
واقدر كل غصنن شجرته فيها ذرا وضـلال = مثل روس العرب في حاضر الدنيا وماضيها
الا ياعامر الحجرف مراميعك عراض اطوال = حسبت اربع جهاتن كلهـا كنـك تحاكيهـا


..
.



الله الله الله




صح الله الستنتكم وسلمتوا وسلم حضورك الجزل




شعراء كبار وحضوركم دائما غير ولاعدمناكم يـ البلالي ويـ الحجرف



وتقبل سلامي واشواقي

[محمد الغيثاني]

صح السانك والسانه ،بيض الله وجيهكم

[صاحب صفوى]

الله لايهينك على النقل

الرائع وهؤلاء شعراء معروفين

ولهم وزنهم الثقيل في الساحة

[عامر الحجرف]

مسفرمبارك لاهنت على مرورك الكريم تقبل تحيات اخوانك اين يلال وعامرالحجرف

[عامر الحجرف]

سعيد ابو جعشه لاهنت على مرورك المميز وبيض الله وجهك وجه الجميع

[عامر الحجرف]

منصور الوذين المري بيض الله وجهك على مرورك الكريم وتقبل تحياتنا