قمرى,,,,,!!!

[مترك العمره]

قمرى ضياها يجلي الغم وهموم=برضن خليه ماحدن قد وطاها
سيليتن مرت عليها قبل يوم=وحزومها تزّبرت من غثاها
تلقى الحشايش والشمع كومن بكوم=وتلقى البرد متنثرن في حشاها
برقن ورعدن والسماء كلها غيوم=بيت الشعر والضو زايد سناها
والطير شرسن بالسما يبغي الحوم=والقايده بالجول ردد وراها
هب الهوا ريح النفل فيه مشموم=وريح الخزامى خالطن في هواها
والبن الاشقر دار ماهوب معدوم=على النشاما كرم الله الحاها
اعزازن اكرامن ولانصحب البوم=وراعي النميمه نقطعه لوحكاها
عز الخوي خله عزيزن ومحشوم=في صحبتك يفخر وفيك يتباها
جور الليالي يافتى صار مقسوم=اصبر وربك عايضن في بلاها
حذراك سرك لا تـفـّـشيه للقوم=لاتفـّرح الانذال تضحك شفاها
خلك عزيز النفس شهم ٍ وزيزوم=ادعس على العسرات وارقا سماها

وسلامتكم ورضاكم
آمل ان تنال على اعجابكم ورضاكم
تحياتي لكم وتقديري

[قضى ليل الهوى طلابه]

وصف جميل دخلتنا في جوّ خيالي


مترك العمره /


صح لسانك مدد ،، ولاهنت على ذالجزله الفاتنه


تقبل مروري وتحيتي لك

[ابومحمد الشامري]

صح لسانك يا ابو محمد قصيدة رائعة ومعبرة

والله يرجعكم سالمين من لندن انت واللي معك

[الغروب]

مترك العمره

قصيدة جزلة وابيات معبرة

صح لسانك وننتظر ابداعات قادمة .

[ابوعبدالرحمـن]

الله الله

الغالي / مترك العمره

صح لسانك وأعتلآ شانك
:
قصيده فاخره وتوقيتها صح
:
في إنتظار جديدك ؛ وترجعون بالسلآمه
:

[مترك العمره]

الاخت العزيزه/ قضى ليل الهوى طلابه
ياهلا والله وغلا
تسلمين على هذا المرور العذب والعطر ,,,, وصح الله بدنش ,,,,وسعيد بهذا الاطراء الجميل,,,
تحياتي لش وتقديري

[مترك العمره]

المشاركة الأصلية كتبت بواسطة ابوحمد الشامري

صح لسانك يا ابو محمد قصيدة رائعة ومعبرة

والله يرجعكم سالمين من لندن انت واللي معك

اخي الغالي والقدير/ ابوحمد الشامري
يامرحبا والله ومسهلا
تسلم على هذا المرور الجميل والعذب,,,,وصح الله بدنك,,,,,والله يرجعنا عليكم سلومي ,,,,وسعيد بهذا المرور الشامخ
تحياتي لك وتقديري

[د.فالح العمره]

صح لسانك يا بو محمد قصيدة طيبة وأجواء رائعة وكلمات اروع

ترجع بالسلامة وابلغ سلامنا للوالدة العزيزة

[وافي بن وافي]

لاهنت وصح السانك ياأخ مترك العمره ... لك مني أجمل تحية .

[الخليفه]

الله الله

صح الله لسانك وعلا شانك يابومحمد

نسال الله ان يشافي العجوز وترجعون سالمين