نادوا لواحد من الشّعار يلعب معي

[مسعطر]

خذهـــــــــــــــــا

الشاعر إليا دعي و أقبل و عنده وعي=يتعب معه راعي الفسقه و ابو المعمعه
ما كل شاعر يوافق مسمعه مسمعي=و لسانك إن جاب لك في السوق قيمه بعه

أكتشفت فيها أخطأ و غيرتها و أرجوا تقبلها
بصدر رحب لأن الدعوى مزح.

[راكان المحفوظي]

صح لسانكم يا الشعّار واصلوا وحنا معكم

وين الصفوف يا شباب !!!

[البركان الثائر]

هواجس الراس قومي واطرحي واجمعي=وغنّي بصوت(ن) مطانيخ العرب تسمعه
في السوق هرّج علي ألسانك وهاك السعي=وأن طاعك الوقت وألا من ظروفه طعه

[البركان الثائر]

الاخ راكان لا هنت يا القرم

[ابومحمد الشامري]

صح لسانك يا البركان الثائر رد جزل متابعين وبانتظار مسعطر

[راشد العتل]

الله الله

البركان صح لسااااانك
ومسعطر صح لساااااانك

ومتابعين

[الفرس]

صحت السنتكم

متابعين .. اتحفونا ..

[مسعطر]

دوك السهل يا ذود فكري و أرتعي=و خلي ثمان اللاش في نصف أربعه
ياحمام الورق غني بصوتي و أسجعي=و أنا أكفيش هرج النقايد و أردعه

[محـMـد الـMـري]

البركان الثائر

سلام من يقبل الدعوات لامن دعي=من شاعر(ن)فيه صبر وفيه حلم وسعه
نادوا لواحد من الشّعار يلعب معي=يعرف وش اللي معي وأعرف وش اللي معه

مسعطر

الشاعر إليا دعي و أقبل و عنده وعي=يتعب معه راعي الفسقه و ابو المعمعه
ما كل شاعر يوافق مسمعه مسمعي=و لسانك إن جاب لك في السوق قيمه بعه

البركان الثائر

هواجس الراس قومي واطرحي واجمعي=وغنّي بصوت(ن) مطانيخ العرب تسمعه
(في السوق هرّج علي ألسانك وهاك السعي)=وأن طاعك الوقت وألا من ظروفه طعه

مسعطر

(دوك السهل يا ذود فكري و أرتعي=و خلي ثمان اللاش في نصف أربعه
ياحمام الورق غني بصوتي و أسجعي=و أنا أكفيش هرج النقايد و أردعه)

البركان الثائر
+
مسعطر

صح الله ألسنتكم الى مالا نهايه

واصلوا حنا متبعين بشغف

[البركان الثائر]

الفرس مشكوره محمد لا هنت يا القرم مسعطر مشكور

ذودك ذبحها العلف ما في ديارك رعي=يغنيك ربّك بعد بكره من المزرعه
راجع مراجعك والا هاك من مرجعي=ولا عاد تنسخ من اللي تطبع المطبعه