مشاركه اولى

[شبيب ابن شبنان]

السلام عليكم ومساكم الله بالخير


ويشرفني ان اشارك معك وفي منتدى قبيلتنا وعسى ان نرقى به للاعلى


وهذي اول مشاركه لي معكم واتمنى ان تحوز على شي من رضاكم

يقوول 0000

يقولون ماتقصد لك شهور يا ابـن جهيـر = وانا اقول ويـش اقـول والكبـد محتـرّه
يحسبون قل الشعـر مـن قلـة التفكيـر = وانا ضعـت بيـن افكـار وايـام مفتـرّه
زمان العجايب ضعت به بين غير وغيـر = عجب كيف راعي الكاس يشرب من الجرّه
خذو ما تمنونه مـن الشعـر قبـل أغيـر = على هاجسِ يطغى علـى القلـب ويكـرّه
عليك السلام ورحمة الله يا باغـي خيـر = ولا عـاد تلقـى خيـر مثقـال مـن ذرّه
توجّد على حالك وصح في العباد عصيـر = عسى الناس توحي يامال الخيـر وتشـرّه
واذا ما عطوك الناس عوّد عسـاك بخيـر = ولا يضحكك خير الزمن وأبك من شـرّه
تعـال انتبـه للسالفـه وافهـم التعبـيـر = يقولون ذود البـدو تعـرف مـن الجـرّه
= يقول ان طيـره حـرّ وافـي ولا سـرّه
ليا شاف جول من الحباري جـداه يطيـر = ويعود على راعيه والجـول مـا ضـرّه
تحسّف على قنيـه ونقـل الحرارالجيـر = حـرارِ مـن كفـوف الصقاقيـر مغتـره
توجّد علـى مغباشـه الصبـح والتسبيـر = وعلى موتره من قاع ابو ظهير واحفـرّه
ولا باعـه الا يـوم ماعـاد لـه تقديـر = ولا عافـه الا بعـد مـا عـاود الـكـرّه
عسـاك انتبـة لسالفتنـا بامـال الخيـر = وعسى نفسك لجفوى الردييـن مضطـرّه
وأنا ما اعرف وش بعد بكره يجي ويصير = لو ان العرب من سود الافعـال مسمـرّه
عطيتـك علـومِ كلبيهـا تبـي تحـذيـر = علومِ مثـل فعـل اليهـودي مـع الـدرّه
واذا قلت من قال اقصد اليوم يا ابن جهير = اقـول الله اللـي قـال والكبـد محتـرّه