اجمل لابسات العقـــود ..!

[صالح ال كحله]

اهديكم الجديد

اتمنى ان ينال اعجابكمــ


واهدي هذه الحروف المتواضعه لمن يستحقها !!

...........

حلم ,, حلمته .. ليلة البارح .. لعله ما يعــود=حلم يشيب بالصغير .. اللي على سن الفطام
حلمت بأن اغرب مَرهـ , في الارض .بيديها قيود=وتقول حل القيد .. ياصالح .. وفز من المـنــام
وجاوبت..(هاه) انتي من انتي .. يا مصحية الرقود=وقالت . انا اللي اعشقككـ .. من مدح غيري بالكلام
قلت الله .. يجملني بعين .. المتابع .. والحشود=والله يعطيني القبول .. ويحفظون... اسمي الأنام
انتي, لفيتي في منامي .. عابــــره ,, كل الحدود=ابسألك وشـــلون.. دشيتي بدون ,, اذن وسـلام
قالت .. وحاجبها من الموضوع .. طاير ومعقود=بعثرتني ... يا مدعي .. ان العروبه في ســلام
قالت تحب .. وقلت (لا) .. لان الخصوصيه جحود=قالت . آجل !! . قلت اعذريني . ما بقى فيني غرام
اللي بقبلي من غرام ... اهديته ..عيون العنــود=الذايره .. من غيري .. أي .. والله عليه بالحرام
قلبي .. لها بلحالها .. دونه .. مواثيق وعهـــود=احبها ... من (خمسة حروف اسمها),لاقصى الهيام
لانها .. هي اللي علمتني .. ويش تفسير الوجـــود=ولانها هي اوفى . من وفوا لي . بين حام وبين سام
ولانها هي انقى قلب , واصدق , بين ربات الخدود=ولأنها .. هي اطهر.. من وطى خد البسيطه باللثام
احبها .. في لينها .. لا .. سولفت لي في بـــرود=واحبها من ثورة الغيره ... لا لحظة .. لأنســجام
ولو ودي اوصفها ..يجود الحرف والا .. ما يجود=اخاف اسبب في صفوف اجيوش الألفيه زحــام
الزبده.. انها اجمل من يجَمل .. نفيسات العقـــود=بعيون .. عاشقها .. ما دامه حي .. بالدنيا ما دام
ترفه .. وريانة قوام .. وغضه .. ووجه .. ودود=اظن , قلبي .. عقب كل اللي .. ذكرته ما يــلام ؟
صلوا على محمد .. اخاف تصيبها عين الحسود=وقولوا لي ( امين ) الله يديم المحبه كل عام !!

وسلامتكم

[فـارس]

اللهم صلي على محمد وآمين

صالح الكحله

صح الله لسانك على ذا القصيدة الجزله من جزل

و اتمنى ان لا تحرمنا من جديدك

وتقبل مروري

[ظـبـي الـسـلآطين]

الله صح لساااانك قصيييده راااااااائعه والله يدييم المحبه ,شدني هالبييت
قــلـــت الله يـــجـــملني بعـــين المتـــابع والـــحـــشود
والله يــــعــطـــيني الــقـــبول ويـــحــفــظون اســمي الانــــام

شااااااعريه فذه على قولة بدر صفوق ههههههههههههه ننـــطر ابدااع اكثر

[الغروب]

الف صلاة وسلام على نبينا محمد

صالح ال كحله

صح لسانك ......الله الله الله

قمة الــــــــــــــــــــــــوفــــــــــــــاء

وآمين ربي يديم المحبة ...........تقبل مروري المعجب بهذه الرائعة .

[الرحال2006]

اللهم صل على محمد

انت قدها وقدود يا صالح ومتأكد انك راح تكون لها وهي لك يا بو .....؟

مجمّل ووافي يا صالح

[محمد ال الضريره]

اللهم امين
صالح ال كحله
صح السانك
خالص تقديري

[يوران]

اللي بقبلي من غرام ... اهديته ..عيـون العنـود = الذايره .. من غيري .. أي .. والله عليه بالحـرام
قلبي .. لها بلحالها .. دونـه .. مواثيـق وعهـود = احبها ... من (خمسة حروف اسمها),لاقصى الهيام

صح لسانك وقلبك ويابوعلي

ولاهنت على القصيده

ارحب يابوعلي

صح الله لسانك ولاهنت

جميل ماكتبت .

بالتوفيق في نجم القصيد

وارقى سنود

[عـسـاه خـيـر]

الاخ صالح لاهنت وصح السانك على هذه الابيات الررائعه

[محمد الغيثاني]

الله يديم المحبة كل عااااااااااااااااااام


لا هنت يابن كحله جزل ووافي