{ العقل صاحي لكن القلب مجنون }

[شيخة الغلا]

الشاعر المبدع والجزل / سداح

غني عن التعريف وحروفي تعجز عن التعبير عن مدى إبداعه وانا متابعه لكل جديده

وهذه رائعه من روائعه نالت على اعجابي واتمنى ان تصل لذائقة الجميع

ياوسع صدري مير للضيق مرهون = وإن ماتوسع كله يضيق كلَه
يمشي تحت رهن الإشاره على الهون = وترمي عليه من السلوك وتتلَه
وسلوكها ما بين ناشف ومدهون = وصدري ليا قامت تلامس تعلَه
أحيان أجامل وأترك السد مدفون =وأضحك ما بين الخطَر المسفهلَه
وأحيان أجي مشحون وروح مشحون = وأقول من يعقد احجاجي يفلَه
ثلاث تحكمني ولا قلت وش لون = المعرفه 00العاطفه 00والجبلَه
العقل صاحي لكن القلب مجنون = والكل منهم نظرته مستقلَه !
ياصاحبي ما للمحبين قانون = والحب لغز 00 ولاعرفنا نحلَه
قلبك مثل قلبي مكبل ومسجون =أحرار مير اقلوبنا مستحلَه
عسى الغلا لازال بالحفظ والصون = والله يبيحه لاتغيرمحلَه
أهديتني جمره على راس غليون = وأهديتك من العمر شيحه وفلَه
ورغم اختلاف المد لازلت ممنون = والشوق ياخذني على كل ملَه
فوحت دمي لين صار أشقر اللون =وأخذت من مجراه فنجال دلَه
ماغير أغني فيك لو كنت مغبون = يامل قلبي من غرامك يامن لَه !
دايم ضحايا العشق لإجله يضحون = كم فاض من كثر الضحايا سجلَه
وأنا غديت بحكم فاتن ومفتون =راضي بحكم الحب 00والحكم لله
وإن قام يكبر بيننا شاسع البون = أرفق علي وشاسع البون قلَه
عز الله إن الشك ماهوب مامون =سيف الجفا البتار يمكن يسلَه
أقنع لو أن الحال من دون في دون = وآخذ الكلام اللي عليه الأدلَه
لاتشتكي لي والعرب وش يقولون = شكوا لغير الله تراها مذلَه

[الغروب]

شيخة الغلا

تقبلي شكري على جميل الاختيار وصح لسان شاعرها

وفقك الرحمن

[شيخة الغلا]

تسلمين الغروب

ع المرور الغالي

دمتي

[مسعطر]

أحيان أجامل و أترك السد مدفون =وأضحك ما بين الخُطَر المسفهلَه
و أحيان أجي مشحون و اروح مشحون = و أقول : مَن يعقد احجاجي يفلَه ..؟
ثلاث تحكمني ولا قلت وش لون = المعرفه ,, العاطفه ,, و الجبلَه

/
/
/
/
/

أهديتني (جمره) على راس غليون = و أهديتك من العمر ( شِيحه و فلَه)
و رغم إختلاف المد لا زلت ممنون = و الشوق ياخذني على كُل ملَه
فوّحت دمّي ليييييييين صار أشقر اللون =و أخذت من مجراه فنجال دلَه

/
/
/
/

ما غير أغنّي فيك لو كنت مغبون = يا ملّ قلبي من غرامك يامن لَه ..؟؟

الله الله الله الله ,,

بإختصاار ,,

إبدااع ,, صح لسان سداح و صح إختيارش ,,

فمان الله ,,

[شيخة الغلا]

صح وجودك مسعطر

ولاهنت ع المرور الغالي

دمت

[خلاوي الشمالي]

أهديتني جمره علـى راس غليـون

وأهديتك من العمـر شيحـه وفلَـه

سلام

لاهنتي

[شيخة الغلا]

الشمالي

ولا انت،، تسلم ع الرور

تحياتي

[ناصر الحميداني]

اللله اختيار رائع وومميز
صح لسان الشاعر
اللي اول مره اسمع اسمعه

[مسفر مبارك]

كل الشكر لكي ولا هنتي .......!
:

[][ .. خــجــل .. ][]

أحيان أجامل وأترك السـد مدفـون
وأضحك ما بين الخطَـر المسفهلَـه

وأحيان أجي مشحون وروح مشحون
وأقول مـن يعقـد احجاجـي يفلَـه

ثلاث تحكمني ولا قلـت وش لـون
المعرفـه 00العاطفـه 00والجبلَـه

×× .. ×× .. ×× .. ×× ..

ياصاحبـي مـا للمحبيـن قانـون
والحب لغـز 00 ولاعرفنـا نحلَـه

قلبك مثل قلبـي مكبـل ومسجـون
احـرار ميـر اقلوبنـا مستحـلَـه

عسى الغلا لازال بالحفظ والصـون
والله يبـيـحـه لاتغيـرمـحـلَـه

يا حلوها من قصيده صدق
صح لسآن سدآح على هالقصيده .. ويعطيك الف عافيه يا الغلا على النقل


تقبلي مروري