كيف تتعلم الأنجليزيه في دقايق وانت تضحك ؟؟؟؟

[زبدةالعجمااااان]

بسم الله الرحمن الرحيم


السلام عليكم ورحمة الله وبركاته



:: نبدأ::


الكل يفتح مخه فالدرس لاأفنخه <<ارحمينا ياأبله
7
7
77
افرض واحد ضربك على أصبعك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,,
i = معنها = انا


هل تحب جبنة بوك= لاحظ بوك بس نوع فاخر +بوك= book = كتاب
هل تحب الكت كات= لاحظ كات بس نوع بناتي فاخر+كات=cat =قط >>> جعله يمشخكم
هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول


وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
الجواب: فار مر
فار مر ,,,, معنها مزارع ,,,,, ككك; farmer <<<< مزارع



من مايعرف الرئيس المصفوق بحذيه<<مالي دخل خخخخخ ( بوش ) بوش -بوش = push = يدفع _يعني = يدف = وتلاحضونها على الأبواب


يعني تقدار تقول= ادفع الباب او دف الباب = push the door = بوش ذا دور


كلمه ثانيه:واحد يقولك: كيل تفاح تصير قوي_ كيل برتقال _كيل موز


لاحظ ( كيل ) كيل -كيل = تعني = يقتل او اقتل = kill مثال = اقتلني = كيل مي = kill meاو= اقتله = كيل هيم= kill him


كلمه ثانيه:


واحد يطق الباب وش تقوله: اكيد تقول ( مين) مين مين مين
mean = مين = تعني = معنى = او قصد = كأنك تسئل وش معنى كلامك او وش قصدك
مثال: تسئل واحد وش قصدك ؟ what do you mean = وات دو يو مين
كلمه ثانيه:



وعلى فكره كلمة = com الي تشفونها في الرابط = تعني = شركه = وهي اختصار كلمة = company


تسمعون البزر يقول الى امه : ماما يالله قوه البيت = قوه قوه = ياقليب قليبوه <<<متوفره هالكلمه عند اخواننا القصمان
المهم واضح معنها لكم :
go = كوه = قوه
يالله نروح= let us go = ليتس قوه




كف = فيه احد ما جاه كف على وجه ؟ انا بصراحه تصفقت لين دخت


كف= معنها = كحه . كف = cough تقدار تقول= i have cough = اي هاف كف = انا عندي كحه او سعال


مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم


محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم


مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين


مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر


كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو


انا اهتم = i care = اي كير


باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان


هورس = حصان = horse باوار= قوه =power


ركزوا معي في تركيب الجمله = انا عندي حصان = i have horse =


لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره


الرئيس الأمريكي السابق ( بيل كلينتون )


بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت = اهم شي تدبر عمرك


بلوتوث = واواواواو
bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟
بلوتوث تعني = الناب الأزرق = او لو حبيتوا نقول الضرس الأزرق ماشي,
بلو= blue = ازرق
توث= tooth =الناب او الضرس





هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي


سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتشلع بطن اللي جمبك


سيف= save = يحفظ او يحمي او ينقذ = يعني تقدار تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر


فار = مخلوق نذل يصعب مسكه الى اذا جبت له قطو لأن القطو رجال ومايخاف اما رجاجيلنا الله يخلف عليهم والله من قوة الفقعه وتوصل انه ينقل من الحي كله ويترك له البيت ملعون الوالدين


فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very
يعني تقدار تقول= u are very far =يو ار فيري فار = على كيفكم


ني = اللحم ني او الدجاج مو مستوي ني
ني= knee = معنها = ركبه


بس ماعليكم من حرف الكاف في بداية الكلمه ماينطق =k nee = تنطق = ني


كان = ( كان) ياما( كان) في قديم الزمان تركي وا م كشه , بس ( كان ) فيه ام القنازع وخربت عليهم


كان = CAN = يستطيع او يقدر = انا استطيع = I CAN


ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه


ايش رايكم بالكورس >>>>>>>هههههه<<<<تكركر الأبله <<جعله دوم
عالعموم انشاء الله بيعجبكم ..

مع خالص حبي وتقديري لكم
اختكم

7
7
7
7
7
7



زبدة الــ ع ــــجماااان

[salem almarri]

كورس عجيب ومفيد

والشرح واجد جين

دمتم بخير وسرور وسلاااام

[زبدةالعجمااااان]

هلابك عساك استفدت

[عبداللطيف أبوظهير العنزي]

مشكـــــــــــــــوره على هالكـــــــورس اللي ضيــــّـــع معلومـــاتــــي العربيّـــــه << يلا احفظها

قريتـــــه ومــــا حفـــظت منـــه شـــــي ....

i am sorry

[المطنوخة]

أم نوت فهمت شي <<< يعني لم افقه شياء