شلفى وخنجر وسكين
الجادل اللــــــــــي تنفث السحر بالعين
لحــــــــــدٍ سلم منها ولحدٍ قدرها
أرسلْ مــــع انســــــــام الدفاتر من سنين
مشاعـــري , ولا وصلنـــــــــي خبرها
دمـــع الورود اللي جــــــــرى بخد تشرين
كَن بقصيــــدي مـــــن بقايا أثرها
وحزن الغروب اللي رسم لوْحة البين
على ضمير الشعر أقسى صورها
وكف الزمان اللي سرقت بسمة اثنين!
ما من ٍٍ عوين ٍ سلّ سيف وبترها
امسح دموع الصمت عن قلب مسكين
كل ما بدت غصات حزنه سترها
كم في العذارى من شبيهة فلسطين!
وكم عاشق ٍ وده لو انه نصرها
لبيش يا بنت المها قبلة الزين
حسنش : وصوف الكاملات اختصرها
اتقول :ناسيني؟ وتذكرني الحين!
الله وامان الله على من ذكرها
أنسى وطيفش ساكن بمحجر العين
قلبي سما , وشلون ينسى قمرها
في خافقي : شلفى وخنجر وسكين
وفي ناظري : دمعات ما الله ومرها
الشاعر/ سعد بن ثقل العجمي
ربيع كاظِمة
23-06-2008, 10:41 PM
العرض الشجري
المواضيع المتشابهه
