قصة الشايب+.+البنت اتمنى تعجبكم

[مطلق اليامي]

قصة الشايب+.+البنت اتمنى تعجبكم
________________________________________
بدايه القصه عن شايب اسمه حمدان وهواوي ( قلبه خضر :wub ما يشوف بنت الا ينفتن... ومشهور بانه حبّيّب



فيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون



راحت له وسلمت عليه كيف حالك يا شايب رد السلام والله بخير الله يعافيس

وفجأه عطته ظهرها ومشت ولا استإذان ولا شي

ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه

يقول الشايب :








يا بنت خوذي خاطري وارحميني***لا تجرحين الـعــود بعيونك السـود

غـضي نظرك وغطي الوجنتينـي***لعل يومٍ جدد الجرح مــــــا يعـود

يــوم انتهى مع مرمسات السنينـي***جتني صواديفه على غير مقصود

باول شـهـــر عشره نهـار الثنينـي***حمدان مروا به على جنازة حمود












البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل

ردت عليه وهزأته تقول








يا شايب الرحمن وينـك ووينـي***عــــزي لحالك قدمك الباب مسـدود

قلبك عطوف وجاه قلـبٍ متينـي***والبنت ما تشفق على مغازل العود

حبل الرجـا مقطوع بينـك وبينـي***مثل الغليث اللي رعـا قلبه الـدود

اقفى شبابـك والعـــــرب مقبلينـي***يا عود ما يرجع من العمر مفقود












حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه

يقول حمدان :












يا بنت صــدي بالعيـون الظليلـه***لا صـــــــد عنـك الله نهـار القيامـه

مالي ومالك يالفـــروع الطويلـه***لو فيك مــــــن رسم البـداوه علامـه

يابنت مـا لــــي بالثمانيـن حيلـه***اهـــدف كما تهدف على البير قامـه

اقفى شبابي والدهـر شفـت ميلـه***يالله حــســـــن الخاتمـه والسلامـه

اعطيك موجز والبضاعـه قليلـه***واخذت لك من صافي الماء سنامه












راحت الايام والشايب مسكين سنه خذله معها شايب وهي بنت وتقول له كيف اعطي شايب وجه


بعد فتره مرته مره ثانيه ورمت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب


يقول حمدان












يا بنت ما جاس الكبـر والخشونـه***وعادت شباب اليوم يجفل من الشيب

ياسرع مـــا وبلـك تمـزع مزونـه***يالفاتنـه يــــــــا ام الثمـان الرعابيـب

يا بنت مــــا بينـي وبينـك مهونـه***كلمة شرف نبي تحيـه وتـــــرحيـب

الله مــــــــن عـودٍ ثقيـلـه طنـونـه***ينصاه راع المشكلـه والــمــواجيـب

على الكـرم والديـن نفسـه حنونـه***تلقاه بالاجـواد شــــــــرق وتغاريـب












جهز الابيات وارسلها مع عجوز ووعد العجوز بهديه اذا وصلت الرساله لها

راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعني بابياتي

العجوز مسكينه قالت طلعيني ولا ابي منكم شي الله لا يعودكم انتم واوراقكم


ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف


تقول البنت










العود عــــود وطايحـاتٍ سنونـه***من كثر ما يرقد على جرة الذيب

عودٍ مهرقل والعرب مــا يبونـه***ياعود ما لك في طويل المراقيب

اقفى شباب العود راحت حتونه***مثل اليتيم اللي بكا ما له مجيب

جداه ينثر دمعـة ٍ مــــــن عيونـه***غريق موجٍ مــا لقا له مقاضيـب












هذي قصة الشايب والبنت وسلامتكم وتحياتي للجميع

[مسعطر]

اشهههههدنهم كلهم صاااملين في بعض

البنت و الشايب ,, مهووب بسيطين ,,,


مطلق ,, لاهنت على القصة الحلوة ,,

و تعلم و استفد و انا اخيك ,,

عشان اذا كبرت خاف سبحان الله يصير شي مثل كذا لينك في ذيك الساعة تعرف ترد




تقبل مروري ,,

[&آهــــات الحــــزن&]

لاهـــــــــنت اخـــــــوي مــــــطلق اليــامي عـــــلى ذا القـصه الحـلوه والابيـــات الاروع

وانـــا اشـهد انــــهم مهـــب بـسيطين

يـعطيك العـــــافيه وبــــــيض اللـــه وجــــــهك

[مطلق اليامي]

المشاركة الأصلية كتبت بواسطة مسعطر

اشهههههدنهم كلهم صاااملين في بعض

البنت و الشايب ,, مهووب بسيطين ,,,


مطلق ,, لاهنت على القصة الحلوة ,,

و تعلم و استفد و انا اخيك ,,

عشان اذا كبرت خاف سبحان الله يصير شي مثل كذا لينك في ذيك الساعة تعرف ترد




تقبل مروري ,,

ارحب



اي والله كلهم صاااااااااااملين




شكرا علي المرور والرد


بس أن شاء الله ما ني مسوي مثله


تقبل تحيااااااااااااتي

[مطلق اليامي]

المشاركة الأصلية كتبت بواسطة &آهــــات الحــــزن&

لاهـــــــــنت اخـــــــوي مــــــطلق اليــامي عـــــلى ذا القـصه الحـلوه والابيـــات الاروع

وانـــا اشـهد انــــهم مهـــب بـسيطين

يـعطيك العـــــافيه وبــــــيض اللـــه وجــــــهك

أرحبي


وقايل ما يهان

مرورك وردك الجزل

اي والله توحد في البنت وهي توحدت


فيه


وأنتي الله يعطيك العافيه


تقبلي تحياااااااااااااتي


وهاك