متكبر ؟ ولا موافق لك حبيب ٍ بدالي ؟

[حـــوران]

السلام عليكم

اعجبتني وحبيـت اتواصل بها معكم يـ اهل الذوق

/
×
/

ما أمداك تنساني ولا أمداني أنساك =مـاغـبـت عـنــك ألاّ .. ثـلاثــة لـيـالـي
وأن قلت لـي يمديـك .. والله مـا أمـداك= مسـرعـك تجفـانـي وتبـعـد مـجـالـي
ثــلاث .. مـرّنــي بـذكــرك وطـريــاك =وحطّـن طيوفـك بيـن فـكـري وبـالـي
جمعت فيهـا الشـوق وارسلتـه وجـاك =وعرضّـت مرسولـي هبـوب الشمالـي
وقامـت تسـوق الشـوق مـنـاّ ومـنّـاك =مـن سبّـتـك والـلـي جـرالـه .. جـرالـي
أتـلا العهـد بـك يـوم صافحـت يمنـاك =وحلّفتنـي لا أقطـع حبـال الوصـالـي
وأنـا علـى حلفـك وعـرفـك ومعـنـاك =وأثـرك علـى ماقـيـل .. يــا همّـلالـي
رحــت اتـخـيّـل نـــور طـلّــة مـحـيّـاك =وأرسم وأبروز صورتـك فـي خيالـي
سلبتـنـي عقـلـي وانــا وافــي إدراك =تقـول مالـي راس .. يــاراس مـالـي
تـبّــت يـديــن الـشــك جــابــك و ودّاك =وخـــلاّك تتـركـنـي وحـيــدٍ لـحـالــي
( مـازان فالـك .. لـيـن شـانـت نـوايـاك =وأن قمـت أزيّـن نيتـي .. شـان فالـي !
مدري غشاك الكبر يـوم انـي اهـواك =وألاّ مـوافــق لـــك حـبـيـب ٍ بـدالــي ؟)
اللـي علـى لسـانـي وصـلـك وتـعـداك= واللـي فـي صـدري كلمـة ٍ ماتقـالـي
أزايـــم الـلـوعـات وأقــــول تــفــداك =يـا كثـر مـا شالـت قـلـوب الرجـالـي
الله يساعـدنـي عـلـى طــيّ ذكـــراك =يـا الـلـي تـراودنـي عـلـى ماطـرالـي
سويّـت (قرعـه) بيـن وصلـك وفرقـاك =ورست على(فرقـاك) .. وألاّ أنـت (غالـي)!

لــ للمبدع المرقابي / ســداح


وســلامة قلــوبكم

[مسعطر]

مشكلة الحظ لا عوكس رقّعها بـ القرعة


اما البيتين ذي روعة :
أتلا العهد بـك يـوم صافحـت يمنـاك
وحلّفتنـي لا أقطـع حبـال الوصـالـي
وأنـا علـى حلفـك وعرفـك ومعنـاك
وأثـرك علـى ماقيـل .. يـا همّلالـي





حوران ... يدوم ْلنا ذالتواصل الطيّب

تقبل مروري ,,
استودعك الله ,,

[الحزن دااري]

وعليكم السلااااااااام

الله يساعدنـي علـى طــيّ ذكــراك\\يـا اللـي تراودنـي علـى ماطـرالـي
سويّت (قرعه) بيـن وصلـك وفرقـاك\\ورست على(فرقاك) .. وألاّ أنت (غالي)!

ما نقدر على هالذووووق !!
يعطيك العااااافيه على هالآبيااات الحلوه
تحياتي لك

[الغروب]

حوران

اختيار راقي و صح لسان شاعرها

تقديري

[عـسـاه خـيـر]

أزايـم اللـوعـات وأقــول, تفداك = ياكثر ما شالت, قلوب الرجالي
سويت قرعه بين .. وصلك, وفرقاك = ورست على / فرقاك, واٍلا آنت .. غالي !!

ررائع هو تواصلك وحضورك
في عيون الشعر .. يا حوران

نص ررائع وعذب جدأ جدأ
من مدخله لــ مخرجه ( شعر )
وهذا ان دل فيدل على حسن اختيارك
وذائقتك الصعبه؟

صح السان شاعرها
العذب / سداح والسانك, أنت كمأأأأن
يا حوران

[][ .. خــجــل .. ][]

××.. ثـلاث .. مرّنـي بذكـرك وطـريـاك
وحطّـن طيوفـك بيـن فكـري وبالـي ..××

××.. جمعت فيها الشـوق وارسلتـه وجـاك
وعرضّت مرسولـي هبـوب الشمالـي ..××

××.. وقامت تسـوق الشـوق منـاّ ومنّـاك
من سبّتـك واللـي جرالـه .. جرالـي ..××

××.. أتلا العهد بـك يـوم صافحـت يمنـاك
وحلّفتنـي لا أقطـع حبـال الوصـالـي ..××

××.. وأنـا علـى حلفـك وعرفـك ومعنـاك
وأثـرك علـى ماقيـل .. يـا همّلالـي ..××

××.. رحـت اتخيّـل نـور طـلّـة محـيّـاك
وأرسم وأبروز صورتـك فـي خيالـي ..××

××.. سلبتنـي عقلـي وانـا وافــي إدراك
تقـول مالـي راس .. يـاراس مالـي ..××

××.. تبّـت يديـن الـشـك جـابـك و ودّاك
وخـلاّك تتركـنـي وحـيـدٍ لحـالـي ..××

××.. ( مازان فالك .. ليـن شانـت نوايـاك
وأن قمت أزيّن نيتي .. شـان فالـي ! ..××

××.. مدري غشاك الكبر يـوم انـي اهـواك
وألاّ موافـق لـك حبيـب ٍ بـدالـي ؟) ..××

××.. اللـي علـى لسانـي وصلـك وتعـداك
واللـي فـي صـدري كلمـة ٍ ماتقالـي ..××

××.. الله يساعدنـي علـى طــيّ ذكــراك
يـا اللـي تراودنـي علـى ماطـرالـي ..××

××.. سويّت (قرعه) بيـن وصلـك وفرقـاك
ورست على(فرقاك) .. وألاّ أنت (غالي)! ..××

الله الله الله
يا سلآم !؟
صح لسآن سدآح / وتسلم يمينك على نقل هالقصيدهـ
جآزتلي حييييل
يعطيك الف عافيه .. ومبدع دآيم في اختياراتكـ

لا هنت

[حـــوران]

المشاركة الأصلية كتبت بواسطة مسعطر

مشكلة الحظ لا عوكس رقّعها بـ القرعة


اما البيتين ذي روعة :
أتلا العهد بـك يـوم صافحـت يمنـاك
وحلّفتنـي لا أقطـع حبـال الوصـالـي
وأنـا علـى حلفـك وعرفـك ومعنـاك
وأثـرك علـى ماقيـل .. يـا همّلالـي





حوران ... يدوم ْلنا ذالتواصل الطيّب

تقبل مروري ,,
استودعك الله ,,

ولدي / مسعطر

يدوم لي بــِـرك , وراسك


واهم شي انها جازت لك , وجعل حضك مايعوكس

لاعدمت هالطله الحلوه

[حـــوران]

المشاركة الأصلية كتبت بواسطة الحزن دااري

وعليكم السلااااااااام

الله يساعدنـي علـى طــيّ ذكــراك\\يـا اللـي تراودنـي علـى ماطـرالـي
سويّت (قرعه) بيـن وصلـك وفرقـاك\\ورست على(فرقاك) .. وألاّ أنت (غالي)!

ما نقدر على هالذووووق !!
يعطيك العااااافيه على هالآبيااات الحلوه
تحياتي لك

العزيزه / الحزن داري

ياهلا بك , ومنوّره ومشرفه الموضوع بتسجيل اسمك فيه

وجميل ان يرتقي لمعانقة ذوقكم الراقي

مرورك اسعدني , ولاعدمناك

[" مــــابه جديــــد "]

××.. ( مازان فالك .. ليـن شانـت نوايـاك
وأن قمت أزيّن نيتي .. شـان فالـي ! ..××

××.. مدري غشاك الكبر يـوم انـي اهـواك
وألاّ موافـق لـك حبيـب ٍ بـدالـي ؟) ..××



اجرحني اكثر جبتها ع الجرح وكنك مادري


لاااااااااهنت وانا بصراحه يعجبني ذوقك ونقوتك للبيات الحلو الي لها وقع فالقلب لااهنت يالشيخ وتقبل مرووري

[حـــوران]

المشاركة الأصلية كتبت بواسطة الغروب

حوران

اختيار راقي و صح لسان شاعرها

تقديري

,., الغــروب ,.,

ياهلا بك , شرفتي موضوعي بـمرورك الغالي , وصح الله كلك

احترامي