ترجيت الزمن لحظه

[محمد الغيثاني]

اقدم لكم هذه القصيده لشاعرها املا في ان تحوز على رضاكم واعجابكم

ترجيت الزمن لحظه .. دخيلك ( حاجتي ميعاد )=أشوف اللي خلقها الله قمر ما هيـب إنسانـه
أجي بالشوق واللهفه .. وكني صايـر ٍ منقـاد=أجي بعروق عطشانه .. أجي بجروح شفقانـه
أعانق فرحتي وأكشخ .. وأغيّر شكلي المعتـاد=أزيّن غترتي مرّه .. ونـوب آقـول خربانـه
أرش العطر في ثوبي .. يفوح لوصلها بعنـاد=أسوق اخطاي للموعد .. ونفسي حيييل ولهانه
أقابلها من الفرحه من اللهفـه يضيـع الضـاد=أحاول أرسم البسمه ولو هي كذب مـن شانـه
أقول النور بوجودك .. تقول النور بك يـزداد=أقول إشتقت يا عمري .. تقول بليييز خجلانه
تورينـي هدايـا جبتهـا فـي حفلـة الميـلاد=توريني قلادتهـا وهـي مـن جـد ّ فرحانـه
و خصله من جدايلهـا تغطّـي خدّهـا الـورّاد=وبسمه كنّها تشـرق بنـور الطيـف وألوانـه
نسيت أيامي الغبرا و همـي والحـزن منبـاد=تمنيت الزمن يوقف عشان اضيـع بأحضانـه
تلملمني مثل طفـل ٍ يحـاول ينطـق الأعـداد=مثل ما عدّت ضلوعـي وتتـرك للغـلا خانـه
وفجأه قالت محمد !! .. تأخرنـا و هيـا عـاد=ترى وقتي قصير وعاذلي مـا يحفـظ لسانـه
شبكت بكفّها كفّي .. عسى وقت اللقـا ينعـاد=.عسى توقف بي الدنيا ليا مـن مـرّ نسيانـه
ترجيت الزمن تكفى .. دخيلك حاجتـي ميعـاد=أشوف اللي خلقها الله قمر ما هيـب إنسانـه

لشاعرها : محمد

محبكم

[عبدالهادي ال كحله]

صح السانك صح السانك

رائعه

[محمد الغيثاني]

مرحبا يا عبدالهادي اسعدنى انك اول من رد ومرحبا الف

[الفرس]

الله ..


مشاعر حيه .. ونابض يتدفق ..

حلوه مشاعر اللقيا ..


صح لسانك ولسانه ..

وتسلم يمين ناقلها ..

[مسعطر]

الله الله الله ... <<< اعجبته جدا

حمود لباااا والله كبدك على ذا القصيدة ,,

محمد ...؟؟؟؟

وش محمد ..؟؟؟


عموماً صح لسااانه و لسانك على القصيدة الجميلة ,,,

تقبل مروري ,,

[خالد وبس]

تسلم يمناك وصح السانك يا محمد


تحياتي !

[محمد الغيثاني]

مرحبا ملايييييييييييييييييييين واسعدنى مرورم ونها جازت لكم وامشاعر دوم حيه وان لبا والله خراطيش صمامات خروق عروق قلب